ສຳນັກຂ່າວຕ່າງປະເທດ ລາຍງານໃນວັນທີ 14 ມັງກອນນີ້ວ່າ ເກີດເຫດແຜ່ນດິນໄຫວ ຂະໜາດ 6.7 ແມັກນິຈູດ ທີ່ເກາະຮັອກໄກໂດ ທາງພາກເໜືອຂອງະເທດຍີ່ປຸ່ນ ເມື່ອເວລາ 12:25 ໂມງ ຂອງວັນທີ 14 ມັງກອນນີ້ (ຕາມເວລາທ້ອງຖິ່ນ) ຊຶ່ງກົງກັບເວລາ 10:25 ໂມງ ຕາມເວລາໃນປະເທດລາວ ເບື້ອງຕົ້ນຍັງບໍ່ທັນມີລາຍງານ ກ່ຽວກັບຄວາມເສຍຫາຍເທື່ອ.
ທັງນີ້, ກ່ອນໜ້ານີ້ພຽງ 3 ວັນ ຢູ່ເກາະຮັອກໄກໂດ ຫາກໍເກີດເຫດແຜ່ນດິນໄຫວ ຂະໜາດ 6.1 ແມັກນິຈູດ ຫ່າງຈາກເມືອງຣີຊິຣິ ໄປທາງຕອນໃຕ້ປະມານ 75 ກິໂລແມັດ ແທກຄວາມເລິກໄດ້ 236 ກິໂລແມັດ ເມື່ອວັນທີ 11 ມັງກອນທີ່ຜ່ານມາ.