ສຳນັກຂ່າວຕ່າງປະເທດ ລາຍງານວ່າ ໃນວັນພຸດທີ 13 ມັງກອນຜ່ານມາ ເກີດເຫດບຸກໂຈມຕີ ສະຖານກົງສູນປາກີສະຖານ ປະຈຳເມືອງຈາລາຊາບັດ ປະເທດອັບການິສະຖານ ເປັນເຫດເຮັດໃຫ້ ເຈົ້າໜ້າທີ່ທະຫານ ເສຍຊີວິດ 7 ຄົນ ແລະ ອາຄານສະຖານກົງສຸນ ໄດ້ຮັບຄວາມເສຍຫາຍລະດັບໜຶ່ງ ຊຶ່ງເຈົ້າໜ້າທີ່ຂອງກົງສຸນ ທີ່ຢູ່ດ້ານໃນອາຄານ ບໍ່ມີໃຜໄດ້ຮັບບາດເຈັບ ຫລື ເສຍຊີວິດ.
ພາຍຫລັງເກີດເຫດການດັ່ງກ່າວ ຕໍ່ມາບໍ່ພໍເທົ່າໃດຊົ່ວໂມງ ກຸ່ມລັດອິດສະລາມ ຫລື ໄອເອັສ ກໍໄດ້ອອກມາອ້າງວ່າ ເປັນຜູ້ຢູ່ເບື້ອງຫລັງຂອງເຫດໂຈມຕີດັ່ງກ່າວ.