ສຳນັກຂ່າວຕ່າງປະເທດ ລາຍງານໃນວັນທີ 14 ມັງກອນນີ້ວ່າ ໃນມື້ວານນີ້ (13 ມັງກອນ) ທ່ານ ແອັດຕັນ ຄາເຕີ້ ລັດຖະມົນຕີວ່າການ ກະຊວງປ້ອງກັນປະເທດ ສະຫະລັດອາເມຣິກາ ໄດ້ອອກມາຖະແຫລງວ່າ ໄດ້ຈັດສົ່ງກອງຕີພິເສດຂອງຕົນ ຈຳນວນ 200 ຄົນ ເຂົ້າໄປປະເທດອີຣັກແລ້ວ ເພື່ອຊ່ວຍສະໜັບສະໜູນ ແລະ ສົມທົບກັບກອງກຳລັງລັດຖະບານອີຣັກ ໃນການປາບປາມກຸ່ມລັດອິດສະລາມ ຫລື ກຸ່ມໄອເອັສ ຕາມນະໂຍບາຍຂອງ ປະທານາທິບໍດີ ບາຣັກ ໂອບາມາ.