ສຳນັກຂ່າວຕ່າງປະເທດ ລາຍງານໃນວັນທີ 14 ມັງກອນນີ້ວ່າ ເກີດເຫດລະເບີດຫລາຍຄັ້ງ ຢ່າງໜ້ອຍ 6 ເທື່ອ ໃຈກາງນະຄອນຫລວງຈາກາຕາ ປະເທດອິນໂດເນເຊຍ ໂດຍຈຸດເກີດເຫດ ຢູ່ບໍລິເວນໃກ້ກັບສຳນັກງານ ອົງການສະຫະປະຊາຊາດ ແລະ ທຳນຽບປະທານາທິບໍດີ ເບື້ອງຕົ້ນມີລາຍງານຜູ້ເສຍຊີວິດແລ້ວ 6 ຄົນ ຊຶ່ງປັດຈຸບັນນີ້ ເຈົ້າໜ້າທີ່ຕຳຫລວດ ຍັງຄົງຕິດຕາມໄລ່ລ່າຄົນຮ້າຍ ແລະ ມີການຍິງປະທະກັນຢ່າງຕໍ່ເນື່ອງ ໂດຍໂຄສົກສຳນັກງານຕຳຫລວດແຫ່ງຊາດ ໄດ້ອອກແຈ້ງເຕືອນ ໃຫ້ປະຊາຊົນຢູ່ພາຍໃນອາຄານບ້ານເຮືອນ ເນື່ອງຈາກມີຄວາມເປັນຫ່ວງ ອາດເກີດເຫດການລະເບີດຂຶ້ນອີກ.
