ລັດຖະບານສະຫະລັດອາເມຣິກາໄດ້ໃຫ້ທຶນຊ່ວຍເຫຼືອເພີ່ມແກ່ອົງການອະນາໄມໂລກ (World Health Organization) ມູນຄ່າ 2 ແສນໂດລາສະຫະລັດ ຫຼື (ປະມານ1.6 ຕື້ກີບ)ເພື່ອສຶບຕໍ່ສະໜັບສະໜູນວຽກງານການເຜີຍແຜ່ສັກຢາວັກແຊງປ້ອງກັນພະຍາດໂປລີໂອ ທົ່ວປະເທດ ເພື່ອຕອບໂຕ້ກັບການແພ່ລະບາດຂອງພະຍາດດັ່ງກ່າວທີ່ເກີດຂຶ້ນຫວ່າງບໍ່ດົນນີ້.
ທຶນດັງກ່າວນີ້ແມ່ນເພີ່ມຈາກ 4 ແສນໂດລາສະຫະລັດ ຫຼື (ປະມານ 3.2ຕື້ກິບ) ທີ່ລັດຖະບານສະຫະລັດອາເມລິກາໄດ້ມອບໃຫ້ກະຊວງສາທາລະນະສຸກພາຍຫຼັງທີ່ໄດ້ມີການແຜ່ລະບາດຄັ້ງທຳອິດຂອງ
ພະຍາດໂປລິໂອໃນເດືອນຕຸລາ ປີ 2015ທີ່ຜ່ານມາ. ກໍລະນີການແຜ່ລະບາດຂອງພະຍາດໂປລີໂອແມ່ນໄດ້ຖືກຢັ້ງຢືນວ່າມີຢູ່ແຂວງບໍລິຄຳໄຊ,ໄຊສົມບູນ ແລະ ຊຽງຂວາງ. ດັງນັ້ນ, ການເຜີຍແຜ່ການສັກຢາວັກຊິນປ້ອງກັນພະຍາດໂປລິໂອແມ່ນຈະໄດ້ສັກໃຫ້ບັນດາເດັກນ້ອຍທີ່ຕໍ່າກວ່າ15 ປີ.
ທ່ານເອກອັກຄະລັດຖະທູດສະຫະລັດອາເມຣິກາປະຈຳລາວ ແດນຽວ ຄລູນ ໄດ້ກ່າວວ່າ ພວກເຮົາມີຄວາມໝາຍໝັ້ນໃນການເຮັດວຽກຮ່ວມກັນກັບລັດຖະບານລາວ ເພື່ອສະກັດກັນການແຜ່ລະບາດຂອງພະຍາດໂປລິໂອ ແລະ ເພື່ອສົ່ງເສີມດ້ານສຸຂພາບ ແລະ ຊີວິດການເປັນຢູ່ທີ່ດີຂອງບັນດາເດັກນ້ອຍໃນລາວ.
ນັບຕັ້ງແຕ່ການແຜ່ລະບາດຂອງພະຍາດດັງກ່າວ, ເຈົ້າໜ້າທີ່ຂອງສະຖານທູດສະຫະລັດອາເມຣິກາໄດ້ມີສ່ວນຮ່ວມໃນການໂຄສະນາສຶກສາອົບຮົມ ແລະ ເຜີຍແຜ່ການສັກຢາປ້ອງກັນເຊິ່ງໄດ້ເນັ້ນໃສ່ຄວາມສຳຄັນຂອງວັກແຊງເພື່ອປ້ອງກັນການແຜ່ລະບາດຂອງພະຍາດໂປລີໂອ. ເຈົ້າໜ້າທີ່ ຂອງລັດຖະບານ ສະຫະລັດອາເມຣິກາ ໄດ້ເຮັດວຽກຮ່ວມກັບກະຊວງສາທາລະນະສຸກ,ອົງການອານາໄມໂລກ WHO ແລະ ອົງການ ແມ່ແລະເດັກ (UNICEF)ເພື່ອຕິດຕາມ ແລະ ກວດກາການລະບາດຂອງພະຍາດ ໂດຍການສຳຫຼວດພື້ນທີ່ ທີ່ໄດ້ຮັບຜົນກະທົບ.
ແຫ່ລງຂ່າວ
