ສຳນັກຂ່າວຕ່າງປະເທດ ລາຍງານໃນວັນທີ 13 ມັງກອນນີ້ວ່າ ກອງທັບເຮືອອີຣ່ານ ໄດ້ເຂົ້າກັກເຮືອຂອງ ກອງທັບສະຫະລັດອາເມຣິກາ ຈຳນວນ 2 ລຳ ພ້ອມຄວບຄຸມຕົວລູກເຮືອອີກ 10 ຄົນ ຫລັງຈາກທີ່ລອຍລຳ ເຂົ້າໄປພາຍໃນເຂດນ່ານນ້ຳຂອງອີຣ່ານ ເນື່ອງຈາກເຄື່ອງຈັກຂັດຂ້ອງ.
ແນວໃດກໍຕາມ ທ່ານ ຈອນ ແຄຣີ ລັດຖະມົນຕີວ່າການ ກະຊວງການຕ່າງປະເທດ ສະຫະລັດອາເມຣິກາ ໄດ້ຕໍ່ສາຍໂທລະສັບໂດຍກົງເຖິງ ທ່ານ ໂມຮຳເມັດ ຈາວັດ ຊາຣີບ ລັດຖະມົນຕີວ່າການ ກະຊວງການຕ່າງປະເທດອີຣ່ານ ເພື່ອແກ້ໄຂສະຖານະການ ຊຶ່ງທາງດ້ານອີຣ່ານເອງ ກໍໄດ້ຮັບປາກວ່າ ຈະອະນຸຍາດໃຫ້ເຮືອ ພ້ອມດ້ວຍລູກເຮືອດັ່ງກ່າວ ເດີນທາງຕໍ່ໄປໃນທັນທີ.