ກະຊວງປ້ອງກັນປະເທດ ໄດ້ຈັດຕັ້ງປາຖະກະຖາກ່ຽວ ກັບປະຫວັດສາດມູນເຊື້ອວັນ ສ້າງຕັ້ງພັກປະຊາຊົນ ປະຕິ ວັດລາວ ຄົບຮອບ 59 ປີ ພ້ອມ ວັນນັກຮົບເສຍອົງຄະເສຍສະ ຫຼະຊີວິດເພື່ອຊາດກໍ່ຄືມູນ ເຊື້ອ 21 ມີນາ ຄົບຮອບ 68 ປີ ຂຶ້ນໃນວັນທີ 20 ມີນາ 2014 ນີ້, ທີ່ສະໂມສອນກົມໃຫຍ່ ການເມືອງກອງທັບ ໂດຍການ ເປັນປະທານຂອງສະຫາຍ ພົນຕີ ຈັນສະຫມອນ ຈັນຍາ ລາດ, ກຳມະການສູນກາງ ພັກ, ລັດຖະມົນຕີຊ່ວຍວ່າ ການກະຊວງປ້ອງກັນປະເທດ ມີບັນດາຄະນະພັກກະຊວງ, ພະນັກງານສະມາຊິກພັກ ຈາກບັນດາກົມ, ຫ້ອງການ ແລະ ກອງອ້ອມຂ້າງກະຊວງ ປ້ອງກັນປະເທດເຂົ້າຮ່ວມຮັບ ຟັງ.
ການປາຖະກະຖາມູນເຊື້ອ ວັນສ້າງຕັ້ງພັກ ແລະ ວັນນັກ ຮົບເສຍອົງຄະເສຍສະຫຼະຊີ ວິດເພື່ອຊາດເພື່ອແນໃສ່ ສຶກສາອົບຮົມໃຫ້ທຸກຄົນເຫັນ ແຈ້ງຕື່ມກ່ຽວກັບວິວັດທະນາ ການ,       ສະພາບແວດລ້ອມ
ແຫ່ງການກຳເນີີີດ ແລະ ເຕີບ ໃຫຍ່ຂອງພັກປະຊາຊົນປະຕິ ວັດລາວ, ຜົນສຳເລັດແຫ່ງ ການຊີ້ນຳ-ນຳພາຂອງພັກໃນ
ໄລຍະຕໍ່ສູ້ປົດປ່ອຍຊາດກໍ່ຄື ໄລຍະປົກປັກຮັກສາ ແລະ ສ້າງສາພັດທະນາປະເທດ ຊາດ, ໄລຍະຈັດຕັ້ງປະຕິບັດ ແນວທາງປ່ຽນແປງໃຫມ່ຂອງ ພັກ, ເພື່ອພ້ອມກັນເສີມຂະ ຫຍາຍມູນເຊື້ອຂອງພັກປະ ຊາຊົນປະຕິວັດລາວເຂົ້າໃນ ຫນ້າທີ່ວຽກງານທີ່ຕົນຮັບຜິດ ຊອບໃຫ້ມີຄຸນນະພາບນັບມື້ ນັບດີຂຶ້ນ, ພ້ອມກັນນີ້ກໍ່ໃຫ້ ເຫັນແຈ້ງກ່ຽວກັບຄວາມ ຫມາຍຄວາມສຳຄັນຂອງວັນ ເສຍອົງຄະ ແລະ ເສຍສະຫຼະ ຊີວິດເພື່ອປະເທດຊາດຂອງ ນັກຮົບຮຸ່ນກ່ອນ ( ວັນທີ 21 ມີ ນາ ຄົບຮອບ 68 ປີ ) ເຊິ່ງເປັນ ເຫດການສຳຄັນຍິ່ງໃນປະ ຫວັດສາດແຫ່ງການຕໍ່ສູ້ພິລະ ອາດຫານຂອງປະຊາຊົນລາວ ໂດຍສະເພາະແມ່ນຊາວ ເມືອງທ່າແຂກແຂວງຄຳມ່ວນ ຕ້ານພວກລ່າເມືອງຂຶ້ນຝຣັ່ງ ໃນບັ້ນຮົບປ້ອງກັນຕົວເມືອງ ທ່າແຂກ ເຊິ່ງຄົນລາວຮຸ່ນສືບ ທອດຄວນຈົດຈຳລ້ຳລຶກ ແລະ ມີຄວາມກະຕັນຍູຮູ້ບຸນຄຸນຕໍ່ ຄຸນງາມຄວາມດີຂອງນັກຮົບ ປະຕິວັດຜູ້ເສຍສະຫຼະເພື່ອ ຄວາມເປັນເອກະລາດຂອງ ຊາດໃນໄລຍະແຫ່ງການຕໍ່ສູ້ ກູ້ຊາດໂດຍສະເພາະແມ່ນຜູ້ ເສຍສະຫຼະໃນບັ້ນຮົບປ້ອງ ກັນຕົວເມືອງທ່າແຂກ ບົນພື້ນ ຖານນີ້ກໍ່ພ້ອມກັນຍົກສູງຈິດ ໃຈຮັກຊາດ, ຮັກບ້ານເກີດ ເມືອງນອນເປັນເຈົ້າການປະ ກອບສ່ວນເຂົ້າໃນພາລະກິດ ປົກປັກຮັກສາສ້າງສາພັດທະ ນາປະເທດຊາດໃຫ້ມີຄວາມ ສະຫງົບຫມັ້ນຄົງ ແລະ ຈະ ເລີນກ້າວຫນ້າ.

http://www.kongthap.gov.la