spot_img
Homeຂ່າວການພັດທະນາວາງສີລາເລີກໂຄງການກໍ່ສ້າງວັງເຍົາວະຊົນ ແລະ ຫໍມູນເຊື້ອຊາວໜຸ່ມ

ວາງສີລາເລີກໂຄງການກໍ່ສ້າງວັງເຍົາວະຊົນ ແລະ ຫໍມູນເຊື້ອຊາວໜຸ່ມ

Published on

ABC_7088 vangsi 1

ຂປລ. ສູນ​ກາງ​ຊາວ​ໜຸ່ມປະຊາຊົນ ປະຕິວັດ​ລາວ ​ໄດ້ຈັດ​ພິທີ​ວາງ​ສີ​ລາ​​ເລີກ​ ​ໂຄງການກໍ່ສ້າງ​ວັງ​ເຍົາວະ​ຊົນ ​ແລະ ຫໍ​ມູນ​ເຊື້ອ​ຊາວ​ໜຸ່ມ ​ໃນ​ວັນ​ທີ 11 ມັງກອນນີ້, ຢູ່​ບ້ານ​ດົງ​ໝາກຄາຍ ​ເມືອງ​ໄຊ​ທາ​ນີ ນະຄອນຫລວງວຽງ​ຈັນ ໂດຍ​ແມ່ນ​ທຶນ​ຈາກ​ລັດຖະບານ​ລາວ​ໃນມູນຄ່າທັງໝົດ101 ຕື້​ກີບ ​​, ຄາດວ່າຈະສຳເລັດ 100% ໃນ ປີ 2018.

ໂຄງການກໍ່ສ້າງດັ່ງກ່າວ, ມີເນື້ອ​ທີ່ກວ້າງ​ 4 ​​ເຮັກ​ຕາກວ່າ, ​ໂດຍ​ບໍລິສັດ​ສຸກ​ປະ​ເສີດ ​ອອກ​ແບບ​ກໍ່ສ້າງ​ເຄຫາ ຂົວ-ທາງ ​ແລະ ຊົນລະປະທານ ​ເປັນ​ຜູ້​ຮັບ​ເໝົາ​ກໍ່ສ້າງ, ​​ເຊິ່ງມີໜ້າວຽກຕົ້ນຕໍ ຄື: ສ້າງ​ຫໍ​ມູນ​ເຊື້ອ 3 ຊັ້ນ 1 ຫລັງ, ​ເຮືອນ​ຮັບ​ແຂກ 2 ຊັ້ນ 1 ຫລັງ, ​ເດີ່ນ​ກິລາ​ໃນ​ຫົ່ມ, ລານ​ສະ​ເກັດ, ຮ້ານ​ອາຫານ, ຫ້ອງ​ນ້ຳ​ສາທາລະນະ ​ແລະ ສິ່ງ​ອຳນວຍ​ຄວາມ​ສະດວກ​ອື່ນໆ ອີກ​ ພ້ອມຈະ​ປະດິດສະຖານຮູບ​ປັ້ນ​ຫລໍ່​ ປະທານ​ໄກສອນ​ ພົມວິຫານ, ສະ​ລອຍ​ນ້ຳ, ​ເດີ່ນ​ເຕະບານ​ຫຍ້າ​ທຽມ ​ແລະ ​ເຄື່ອງ​ຫລີ້ນ​ສຳລັບ​ເຍົາວະ​ຊົນ​ຈຳນວນ​ໜຶ່ງ.

ໂຄງ​ການກໍ່ສ້າງດັ່ງ​ກ່າວ ​ມີ​ຄວາມ​ໝາຍ​ຄວາມ​ສຳຄັນ ຕໍ່​ວຽກ​ງານ​ການ​ພັດທະນາ​ຊາວ​ໜຸ່ມ-​ເຍົາວະ​ຊົນ ​ເຊິ່ງມີ​ເປົ້າ​ໝາຍ ສ້າງ​ເປັນ​ສະຖານ​ທີ່​ວາງສະ​ແດງ​ມູນ​ເຊື້ອ ​ຂອງຊາວ​ໜຸ່ມ​ລາວ​ ທີ່​​ໄດ້​ປະກອບ​ສວນ​​ເຂົ້າ​ໃນ​ຂະ​ບວນການ​ຕໍ່ສູ້​ກູ້​ຊາດ​ໃນ​ໄສ​ໄໝ​ກ່ອນ ​ແລະ ພາລະກິດ​ປົກ​ປັກ​ຮັກສາ ​ແລະ ສ້າງສາ​​ປ​ະ​ເທດ​ຊາດ ​ໃນປະຈຸ​ບັນ​ເພື່ອ​ເປັນ​ບ່ອນ​ສຶກສາ​ອົບຮົມ ​ແລະ ຝຶກ​ຝົນ​ຫລໍ່​ຫລອມ ຊາວ​ໜຸ່ມ-​ເຍົາວະ​ຊົນ ​ແລະ ອະນຸຊົນ ​ໄດ້ຮຽນ​ຮູ້​ດ້ານ​ຕ່າງໆ./.

ແຫ່ລງຂ່າວ

ຂປລ

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...