spot_img
Homeອຸບັດເຫດແລະປາກົດການຫຍໍ້ທໍ້ປກສ ​ເມືອງສີສັດຕະນາກສາມາດຈັບໂຈນຊິງ​ຊັບຕົວອັນຕະລາຍມາດໍາເນີນຄະດີ

ປກສ ​ເມືອງສີສັດຕະນາກສາມາດຈັບໂຈນຊິງ​ຊັບຕົວອັນຕະລາຍມາດໍາເນີນຄະດີ

Published on

thiefs

ເມື່ອທ້າຍອາທິດຜ່ານມານີ້, ເຈົ້າໜ້າທີ່ ປກສ ເມືອງສີສັດຕະນາກ ນະຄອນຫລວງວຽງຈັນ ໄດ້ອອກມາຖະແຫລງຜົນການຈັບຕົວທ້າວ ໂພຄໍາ ຫານຊະນະ ອາຍຸ 32 ປີ ແລະ ນາງ ບຸນມີ (ກີ້) ອາຍຸ 21 ປີ ທັງສອງຢູ່ບ້ານດົງສະຫວາດ ເມືອງສີສັດຕະນາກ, ພາຍຫລັງພວກກ່ຽວຮ່ວມກັນລົງມືກໍ່ເຫດດຶງສາຍຄໍຄໍາໜັກ 10 ບາດຂອງພົນລະເມືອງຢູ່ເສັ້ນທາງຄູວຽງໃນເວລາປະມານ19:00 ໂມງຂອງວັນທີ 3 ມັງກອນ 2016 ແລ້ວພາກັນຂີ້ລົດຈັກຫລົບໜີໄປທາງວົງວຽນໂຮງໝໍ 5 ເມສາ, ຫລັງຈາກນັ້ນເຈົ້າຂອງຊັບຈຶ່ງໄດ້ຂັບລົດໃຫຍ່ໄລ່ຕາມຕໍາເອົາທ້າຍລົດຈັກທັງສອງລົ້ມລົງ, ແຕ່ທັງສອງໄດ້ພາກັນແລ່ນລົບໜີໄປຕາມເສັ້ນທາງບ້ານສີເມືອງ, ເຈົ້າໜ້າທີ່ຈຶ່ງໄດ້ຈັດກໍາລັງໄລ່ຕິດຕາມຈັບ

ຕົວທ້າວ ໂພຄໍາ ໄດ້ກ່ອນ, ສ່ວນນາງ ບຸນມີ ແມ່ນຜູ້ປົກຄອງພາມາມອບຕົວຕໍ່ເຈົ້າໜ້າທີ່ໃນເວລາຕໍ່ມາ.

ທ່ານຫົວໜ້າກອງສືບສວນ-ສອບສວນ ປກສ ເມືອງສີສັດຕະນາກ ໃຫ້ຮູ້ວ່າ: ທັງສອງຄົນແມ່ນເປົ້າໝາຍຕິດຕາມຂອງເຈົ້າໜ້າທີ່ມາດົນແລ້ວ, ເນື່ອງຈາກທັງສອງເຄີຍຮ່ວມກັນກໍ່ເຫດຊີງຊັບພົນລະ ເມືອງມາແລ້ວຫລາຍຄັ້ງ.

​ເຈົ້ັ້າໜ້າ​ທີ່​ໄອ​ຍະ​ການ​ສານ​ປະຊາຊົນ​ໃຫ້​ຮູ້​ວ່າ: ສໍາລັບ​ການ​ກໍ່​ເຫດ​ຊິງ​ຊັບ​ແມ່ນ​ຈະ​ຖືກລົງ​ໂທດ​ຕາມ​ແຕ່​ລະ​ກໍລະນີ​ໜັກ-​ເບົາ,​ ແຕ່​ສໍາລັບ​ກໍລະນີ​ຄະ​ດີຊິງຊັບ​ລາຍ​ນີ້ອາດ​ຈະ​ຖືກ​ສານ​ຕັດ​ສີນ​ຈໍາ​ຄຸຫລາຍ​ກວ່າ 3 ປີ.

ແຫ່ລງຂ່າວ

ລພນ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...