ພິທີມອບ-ຮັບດັ່ງກ່າວຈັດຂຶ້ນໃນ ຕອນເຊົ້າຂອງວັນທີ 8 ມັງກອນ 2016 ທີ່ຫ້ອງວ່າການລັດຖະບານ ຊຶ່ງໃຫ້ກຽດຮັບໂດຍ
ທ່ານ ອາຊາງ ລາວລີ ກຳມະ ການກົມການເມືອງສູນກາງພັກ, ຮອງ ນາຍົກລັດຖະມົນຕີ, ຜູ້ຊີ້ນຳວຽກງານຂົງ ເຂດການປົກຄອງ ແລະມອບໂດຍທ່ານ ພົງສະຫວັດ ເສນາພວນ ປະທານກຸ່ມບໍລິ ສັດພົງຊັບທະວີ ກໍ່ສ້າງ ພ້ອມນີ້ ກໍມີທ່ານ ຮອງຫົວໜ້າຫ້ອງວ່າການລັດຖະບານ, ຜູ້ຕາງໜ້າຈາກກະຊວງການເງິນ ແລະພະ ນັກງານຈາກບໍລິສັດດັ່ງກ່າວເຂົ້າຮ່ວມ.
ໂອກາດນີ້ ທ່ານອາຊາງ ລາວລີ ກໍໄດ້ ສະແດງຄວາມຊົມເຊີຍຕໍ່ການປະກອບສ່ວນອັນສຳຄັນຂອງກຸ່ມບໍລິສັດພົງຊັບທະ ວີ ກໍ່ສ້າງ ເພື່ອໝູນໃຊ້ເຂົ້າໃນບັນດາຂົງ ເຂດວຽກງານຂອງການດຳເນີນກອງປະ ຊຸມໃຫຍ່ ຄັ້ງທີ X ຂອງພັກ ທີ່ຈະໄດ້ຈັດ ຂຶ້ນໃນມໍ່ໆນີ້ ຊຶ່ງໃນໄລຍະຜ່ານມາກຸ່ມບໍລິ ສັດດັ່ງກ່າວກໍຄືພາກສ່ວນເສດຖະກິດ ແລະພາກສ່ວນຕ່າງໆໃນສັງຄົມກໍໄດ້ປະ ກອບສ່ວນເຂົ້າໃນຂະບວນການວັນສຳ ຄັນອື່ນໆຂອງຊາດ ໂດຍສະເພາະການສະ ເຫຼີມສະຫຼອງວັນສະຖາປະນາ ສປປ ລາວ ຄົບຮອບ 40 ປີ ທີ່ຫາກໍຜ່ານພົ້ນໄປ.
ທ່ານຮອງນາຍົກລັດຖະມົນຕີ ຍັງໄດ້ ສະແດງຄວາມຂອບໃຈຕໍ່ຄວາມບຸກບືນ ຢ່າງຕັ້ງໜ້າຂອງທ່ານ ພົງສະຫວັດ ເສນາ ພວນ ກໍຄືກຸ່ມບໍລິສັດພົງຊັບທະວີ ກໍ່ສ້າງທີ່ ໄດ້ປະກອບສ່ວນເຂົ້າໃນວຽກງານອັນສຳ ຄັນຂອງພັກ ແລະລັດຖະບານ ຕະຫຼອດໄລ ຍະຫຼາຍປີຜ່ານມາ ແລະຫວັງຢ່າງຍິ່ງວ່າ ໃນຕໍ່ໜ້າກຸ່ມບໍລິສັດ ພົງຊັບທະວີ ກໍ່ສ້າງ ກໍ ຄືພາກສ່ວນເສດຖະກິດ ແລະບັນດາຊັ້ນຄົນ ຕ່າງໆໃນສັງຄົມຈະສືບຕໍ່ໃຫ້ການຊຸກຍູ້ ປະກອບສ່ວນວຽກງານສຳຄັນອື່ນໆຂອງ ປະເທດຊາດເວົ້າລວມ, ເວົ້າສະເພາະປະ ກອບສ່ວນເຮັດໃຫ້ການຈັດກອງປະຊຸມ ໃຫຍ່ຄັ້ງທີ X ຂອງພັກປະສົບຜົນສຳເລັດ ແລະໄດ້ຮັບໝາກຮັບຜົນເປັນຢ່າງດີ.
ແຫ່ລງຂ່າວ
