ສຳນັກຂ່າວຕ່າງປະເທດ ລາຍງານໃນວັນທີ 6 ມັງກອນຜ່ານມານີ້ວ່າ ທາງການຕວກກີ ພົບສົບຖືກຄື້ນນ້ຳທະເລ ພັດເຂົ້າມາຕິດຢູ່ຕາມຊາຍຫາດ ຝັ່ງຕາເວັນຕົກຂອງປະເທດ ໂດຍພົບເຫັນທັງໝົດ 34 ສົບ ໃນນັ້ນເປັນເດັກນ້ອຍ 3 ສົບ ຊຶ່ງເຈົ້າໜ້າທີ່ຄາດວ່າ ທັງໝົດອາດເສຍຊີວິດ ຈາກເຫດເຮືອຫລົ້ມ ໃນລະຫວ່າງເດີນທາງຂ້າມທະເລ ເພື່ອໄປເກາະເລສບອສ ປະເທດເກຣັກ.
ເຈົ້າໜ້າທີ່ຍັງບໍ່ສາມາດລະບຸໄດ້ວ່າ ບັນດາສົບຜູ້ອົບພະຍົບເຫລົ່ານີ້ ແມ່ນເປັນຄົນສັນຊາດໃດ ຊຶ່ງເບື້ອງຕົ້ນຄາດວ່າ ອາດເປັນຜູ້ລີ້ໄພຈາກສົງຄາມກາງເມືອງ ຢູ່ຂົງເຂດຕາເວັນອອກກາງ ແຕ່ກໍຍັງບໍ່ທັນມີຫລັກຖານທີ່ຊັດເຈນ.
