spot_img
Homeຂ່າວພາຍ​ໃນ1 ປີຜ່ານມາ ການສົ່ງອອກສິນຄ້າ ແຂວງສະຫວັນນະເຂດ ຫລຸດລົງ!

1 ປີຜ່ານມາ ການສົ່ງອອກສິນຄ້າ ແຂວງສະຫວັນນະເຂດ ຫລຸດລົງ!

Published on

friendship-bridge
(ພາບປະກອບ: ຂົວມິດຕະພາບ ລາວ-ໄທ ແຫ່ງທີ 2 ສະຫວັນນະເຂດ-ນະຄອນພະນົມ ໜຶ່ງໃນເສັ້ນທາງການສົ່ງອອກຂອງລາວ)

ຂປລ. ທ່ານ ພອນສະໄໝ ຈັນສີນາ ຮອງຫົວໜ້າພະແນກອຸດສາຫະກຳ-ການຄ້າແຂວງສະຫວັນນະເຂດ  ໄດ້ລາຍງານໃຫ້ຮູ້ ເມື່ອບໍ່ດົນມານີ້ວ່າ: ໃນສົກປີ 2014-2015 ແຂວງສະຫວັນນະເຂດ ມີມູນຄ່າການຄ້າເທົ່າກັບ 1.204,41 ລ້ານໂດລາສະຫະລັດ, ເພີ່ມຂຶ້ນ 2,87% ທຽບໃສ່ປີຜ່ານມາ ແລະ ໄດ້ດຸນການຄ້າເທົ່າກັບ 260,11 ລ້ານໂດລາສະຫະລັດ, ຫລຸດລົງ 55,41%, ໂດຍມູນຄ່າການສົ່ງອອກສິນຄ້າ ໃນທົ່ວແຂວງສາມາດປະຕິບັດໄດ້ 732 ລ້ານກວ່າໂດລາໃນນີ້: ປະເພດແຮ່ທາດມີມູນຄ່າ 512 ລ້ານກວ່າໂດລາສະຫະລັດ, ຫລຸດລົງ 20,11% (ຄຳ-ທອງແດງ 82.465 ໂຕນ, ເປັນມູນຄ່າ 511 ລ້ານກວ່າໂດລາສະຫະລັດ), ກວມ 69,89% ຂອງມູນຄ່າການສົ່ງອອກທັງໝົດ, ໄມ້ ແລະ ຜະລິດຕະພັນໄມ້ມີມູນຄ່າສົ່ງອອກ 18 ລ້ານກວ່າໂດລາສະ ຫະລັດ, ຫລຸດລົງ 46,23%, ກວມ 2,48%ຂອງມູນຄ່າການສົ່ງອອກ,​ ສິນຄ້າເຄື່ອງປ່າຂອງດົງມີມູນຄ່າ 3 ແສນກວ່າໂດລາ, ຫລຸດລົງ 43,38%, ສິນຄ້າກະສິກຳມີມູນຄ່າ 18 ລ້ານກວ່າໂດລາສະຫະລັດ, ເພີ່ມຂຶ້ນ 46,41%, ກວມ 2,53% ຂອງມູນ ຄ່າການສົ່ງອອກ ແລະ ສິນຄ້າອຸດສາຫະກຳ-ຫັດຖະກຳມີມູນຄ່າ 71 ລ້ານກວ່າໂດລາສະຫະລັດ, ຫລຸດລົງ 28,13%, ກວມ 9,77% ຂອງມູນຄ່າການສົ່ງອອກທັງໝົດ.

ສຳລັບການສົ່ງອອກພາຍໃຕ້ສິດທິພິເສດໃນສົກປີ 2014-2015 ທີ່ຜ່ານມານີ້, ພະ ແນກອຸດສາຫະກຳ ແລະ ການຄ້າໄດ້ອອກໃບຢັ້ງຢືນ ແຫລ່ງກຳເນີດສິນຄ້າມີຈຳນວນ 638 ຊຸດ, ລວມມີມູນຄ່າຫລາຍກວ່າ 211 ລ້ານໂດລາສະຫະລັດ, ຂະນະທີ່ພາກການສົ່ງອອກສິນຄ້າ ໃນທົ່ວແຂວງບັນລຸໄດ້ 472 ລ້ານໂດລາສະຫະລັດ, ທຽບໃສ່ປີຜ່ານ ມາເພີ່ມຂຶ້ນເຖິງ 60,95% ເຊິ່ງສິນຄ້າທີ່ນຳເຂົ້າຫລາຍກວ່າໝູ່ ແມ່ນປະເພດນ້ຳມັນເຊື້ອໄຟ ແລະ ອາຍແກັສ, ເຄື່ອງຮັບໃຊ້ໂຄງການລົງທຶນຕ່າງໆ, ການຜະລິດກະສິກຳ, ການຜະລິດອຸດສາຫະກຳ ແລະ ສິນຄ້ານຳເຂົ້າເພື່ອຈຳໜ່າຍພາຍໃນ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...