Homeຂ່າວການພັດທະນາແຂວງຊຽງຂວາງ ຍູ້ພັດທະນາສວນພູຄໍາ ເປັນຕະຫລາດກະສິກຳ ຊື້ຂາຍສະດວກສະບາຍ!

ແຂວງຊຽງຂວາງ ຍູ້ພັດທະນາສວນພູຄໍາ ເປັນຕະຫລາດກະສິກຳ ຊື້ຂາຍສະດວກສະບາຍ!

Published on

Untitled-1 kasikam 1

ຂປລ. ຕະຫລາດ​ກະ​ສີ​ກໍາສວນ​ພູ​ຄໍາ​ ກໍາລັງ​ມີໃບ​ໜ້າ​ໃໝ່​ເມື່ອ​ພັກ-ລັດ​ຖະບານ ກໍ​ຄື​ອໍານາດ​ການ​ປົກຄອງ​ແຂວງ​ຊຽງ​ຂວາງ ​ໄດ້​ຊຸກ​ຍູ້​ໃຫ້​​ມີ​ການ​ບໍລິການ ການ​ຊື້-ການ​ຂາຍ ​ໃນ​ຕະຫລາດ​​ໃຫ້​ມີ​ຄວາມ​ສະດວກ​ສະບາຍເປັນ​ລະບຽບ​ຮຽບຮ້ອຍ ​ແລະ ມີ​ຄວາມສະຫງົບ​ດີ​ຂຶ້ນ.

ທ່ານ ພູ​ຄໍາ ອົ້ວນົວສາ​ ປະທານ​ກຸ່ມ​ວິ​ສາ​ຫະກິດ​ສວນ​ພູ​ຄໍາ ໄດ້​ໃຫ້​ສໍາພາດ​ຕໍ່​ສື່​ມວນ​ຊົນ ​ເມື່ອ​ບໍ່​ດົນ​ມາ​ນີ້​ວ່າ: ເພື່ອ​ເປັນ​ການຍົກລະດັບ ການບໍລິການສະອາດສະດວກ ແລະ ສະຖານທີ່ກວ້າງຂວາງກວ່າເກົ່າ ​ໃຫ້​ໄດ້​ຮັບ​ການພັດທະນາໃຫ້ເປັນຕະ ຫລາດທີ່ສະອາດ ແລະ ທັນສະໄໜ ສາມາດຕອບສະໜອງຄວາມຕ້ອງການຂອງການຂະຫຍາຍຕົວການຊື້-ຂາຍສິນຄ້າ ທີ່ພໍ່ແມ່ປະຊາຊົນນຳ​ມາຂາຍທຸກໆມື້ ​ ສໍາລັບ​ ພໍ່​​ແມ່​ປະຊາຊົນ ຊາວ​ຄ້າຂາຍ ທີ່​ນໍາ​ສິນຄ້າ​ເຂົ້າ​ມາ​ຂາຍ​ ກໍ​ມີ​ຄວາມ​ເພິ່ງ​ພໍ​ໃຈ​ຕໍ່​ກັບ​ສະຖານ​ທີ່ ທີ່​ທາງ​ຕະຫລາດ​​ໃໝ່​ຈັດ​ສັນ​​ໃຫ້ ​ເປັນ​ຕົ້ນ​ ທາງ​ພວກ​ເຮົາ​ໄດ້​ມີ​ການຈັດ​ສັນ​​ໃຫ້​ເປັນຈຸດ​ແຕ່ລະປະ​ເພດ​ສິນຄ້າ​ໃຫ້​ ເປັນລະບຽບ ​ເພື່ອ​ຈະງ່າຍ​ຕໍ່​ກັບ​ລູກ​ຄ້າ​ທີ່​ເຂົ້າ​ມາ​ຈັບ​ຈ່າຍ​ຊື້​ສິນຄ້າ​ ໄດ້​ສະດວກ​ສະບາຍ​ກວ່າ​ແຕ່​ເກົ່າ​.

ສ່ວນ ​ຊາວ​ຄ້າຂາຍ​ທີ່​ຍົກຍ້າຍ​ມາ​ ມີ​ 500 ກວ່າ​ຫົວໜ່ວຍ​ທຸລະ​ກິດ ​ແມ່ນທາງຕະຫລາດ​ກະ​ສີ​ກໍາສວນ​ພູ​ຄໍາ ​ໄດ້​ມີ​ນະ​ໂຍບາຍ​ຍົກ​ເວັ້ນຄ່າ​ເຊົ່າ​ສະຖານ​ທີ່​ສອງ​ປີ. ​ເຊິ່ງມາຮອດ​ປັດຈຸບັນກໍ​ມີ 700-800 ກວ່າ​ຫົວໜ່ວຍ​ທຸລະ​ກິດ ທີ່​ດໍາ​ເນີນ​ການ​ຄ້າຂາຍ​ຢູ່​ໃນ​ຕະຫລາດ​ດັ່ງກ່າວ. ຖື​ວ່າ​ເປັນ​ຕະຫລາດ​ໃຫຍ່​ກວ່າ​ໝູ່​ ຢູ່​ໃນ​ຕະຫລາດ​ແຂວງ​ຊຽງ​ຂວາງ ​ແລະ ກໍ​ມີ​ສິນຄ້າ​ຫລາກ​ຫລາຍ​ປະ​ເພດ ​ທີ່​ປະຊາຊົນ​ພາຍ​ໃນ​ແຂວງ ທໍາ​ການ​ຜະລິດ​ຊອກ​ຫາ​ມາ​ວາງ​ຂາຍ, ​ນ​ອກຈາກ​ນັ້ນ​ ກໍ​ຍັງ​ລວມມີ​ປະ​ເພດ​ເຄື່ອງ​ໃຊ້​ຊອຍ​ຕ່າງໆ ມາ​ເຕົ້າ​ໂຮມຢູ່​ໃນ​ຕະຫລາດ​​ແຫ່ງ​ນີ້  ສະ​ນັ້ນ​ ສໍາລັບ​ຜູ້​ໃດ​ທີ່​ມາ​ແຂວງ​ຊຽງ​ຂວາງ​ຕ້ອງການ​ຊື້​ສິນຄ້າ​ກະ​ສີ​ກໍາ ຫລື ສິນຄ້າ​ປະ​ເພດ​ອື່ນໆ ກໍ​ສາມາດ​ແວະ​ເຂົ້າ​ມາ​ໄດ້​ທີ່​ຕະຫລາດ​ສວນ​ພູ​ຄໍາ​ໄດ້.

ທ່ານ ​ ກ່າວ​ຕື່ມ​ວ່າ: ​ໃນ​ຕໍ່ໜ້າ​ທາງ​ຕະຫລາດ​ພວກ​ເຮົາມີ​ແຜນ​ການ​ຕະຫລາດ ​ໃຫ້​ແກ່​ສິນຄ້າກະ​ສີ​ກໍາ​ ​ໂດຍຈະ​ຊຸກຍູ້​ໃຫ້​ປະ​ຊາ​ຊົນຜະລິດ​​​ເປັນສິນຄ້າ​ໃຫ້​ຫລາຍ​ຂຶ້ນ ພ້ອມ​ທັງ​ຮັບປະກັນ​ໄດ້​​ຄຸນ​ນະພາ​ບ, ສະອາດ ​ແລະ ປອດ​ໄພ ​ເພື່ອ​ຈະ​​ນໍາ​ອອກ​ໄປ​ວາງ​ຂາຍ​ຢູ່​ພາຍ​ໃນ ​ແລະ ຕ່າງ​ປະ​ເທດຕື່ມ​ອີກ ນອກຈາກ​ນັ້ນ ສໍາລັບ​ຜູ້​ທີ່​ຕ້ອງການ​ເຂົ້າ​ມາ​ຄ້າ​ຂາຍທາງ​ພວກ​ເຮົາກໍຍັງ​ມີສະຖານ​ທີ່​​ ຮອງ​ຮັບພຽງພໍ​ຕາມ​ຄວາມ​ຕ້ອງການ​ຂອງ​ລູກ​ຄ້າ​ທີ່​ຈະ​ເຂົ້າ​ມາ​ໃຊ້​ບໍລິການ.
ແຫລ່ງຂ່າວ:
ຂປລ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...