spot_img
Homeຂ່າວພາຍ​ໃນວັນສັຕຣີສາກົລ ຂ.ຜົ້ງສາລີ

ວັນສັຕຣີສາກົລ ຂ.ຜົ້ງສາລີ

Published on

image

ສະຫະພັນ ແມ່ຍິງລາວ ແຂວງ ຜົ້ງສາລີ ຈັດ ກິຈກັມ ສລອງວັນ ສັຕຣີ ສາກົລ ໃນ ຕອນເຊົ້າ ຂອງ ວັນທີ 6 ມີນາ ນີ້ ໂດຍເນັ້ນເຖິງ ການສົ່ງເສີມ ໃຫ້ຄວາມຮູ້ ກ່ຽວກັບ ການເຄື່ອນໄຫວ ຂອງ ແມ່ຍິງ ໃນ ບັນດາ ປະເທດ ອາຊຽນ ແລະ ໃນໂລກ. ຕາມຄໍາເວົ້າ ຂອງ ເຈົ້າໜ້າທີ່ ລາວ:

“ຕອນເຊົ້ານີ້ ເລົ່າ ມູລເຊື້ອ ວັນສ້າງຕັ້ງ ໂຕຈິງ ພໍດີ ຄໍາຕອບ ຄໍາຖາມ ໃຫ້ ເອື້ອຍນ້ອງ ແມ່ຍິງ ເພາະວ່າ ຢາກໃຫ້ ຂະເຈົ້າຈື່ ແລ້ວ ມີກິຈກັມ ຖາມປະຫວັດ ວັນສ້າງຕັ້້ງ ແມ່ຍິງບໍ່ ຫລືວ່າ ການເຄື່ອນໄຫວ ຂອງ ທາງສູນກາງ ແມ່ຍິງລາວ ຕໍ່ກັບ ອາຊຽນຕ່າງໆ ແລະ ກັບໂລກ ຕໍ່ກັບ ພາກພື້ນ”.

ທ່ານ ເວົ້າຕື່ມວ່າ ການສົ່ງເສີມ ໃຫ້ແມ່ຍິງ ໃນແຂວງ ມີຄວາມຮູ້ ຄວາມເຂົ້າໃຈ ກ່ຽວກັບ ການເຄື່ອນໄຫວ ຂອງ ແມ່ຍິງ ໃນປະເທດ ອື່ນນັ້ນ ຈະຊ່ວຍໃຫ້ ພວກເຂົາເຈົ້າ ໂດຍສະເພາະ ແມ່ຍິງ ຊົນເຜົ່າ ຊຶ່ງ ຫລາຍ ຄອບຄົວ ບໍ່ໄດ້ຮັບ ຂໍ້ມູລ ຂ່າວສານນັ້ນ ໄດ້ຮັບຮູ້ ເຖິງການ ປ່ຽນແປງ ຂອງ ສັງຄົມໂລກ.

ການສລອງ ວັນສັຕຣີ ສາກົລ ຈັດຂຶ້ນຢູ່ ທຸກເມືອງ ແຕ່ໃນເມືອງ ຜົ້ງສາລີ ໄດ້ຈັດໃຫຍ່ ກວ່າເມືອງ ອື່ນໆ ເພາະເປັນ ເມືອງເອກ ຂອງແຂວງ ມີແມ່ຍິງ ເຂົ້າຮ່ວມ ປະມານ 250 ຄົນ ໂດຍ ໄດ້ເຊີນ ບ້ານລະ 4-5 ຄົນ ເຂົ້າຮ່ວມ.

ວັນສັຕຣີສາກົລ ທີ 8 ມີນາ ປີນີ້ ກົງກັບ ວັນເສົາ ຊຶ່ງ ເປັນວັນພັກ ຣາຊການ ດັ່ງນັ້ນ ຈຶ່ງມີການ ຈັດການ ສລອງກັນ ລ່ວງໜ້າ ໃນແຂວງ ຕ່າງໆ ຂອງລາວ ໂດຍສ່ວນໃຫຍ່ ຈັດຂຶ້ນ ໃນ ວັນທີ 6 ຫລື ທີ 7 ມີນາ.

ທີ່ມາ http://www.rfa.org/

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...