ສຳນັກຂ່າວຕ່າງປະເທດ ລາຍງານໃນວັນທີ 3 ມັງກອນນີ້ວ່າ ທາງການເຢຍລະມັນ ປະກາດເດີນໜ້າໂຄງການ ກໍ່ສ້າງຖະໜົນເລນພິເສດ ສຳລັບລົດຖີບໂດຍສະເພາະ ຍາວຢຽດເຖິງ 100 ກິໂລແມັດ ໂດຍໃນເບື້ອງຕົ້ນ ແມ່ນໄດ້ເປີດທົດລອງ 5 ກິໂລແມັດທຳອິດສຳເລັດແລ້ວ 100% ແລະ ກຽມພ້ອມສຳລັບການກໍ່ສ້າງໃນສ່ວນທີ່ເຫລືອ.
ທັງນີ້ ໂຄງການດັ່ງກ່າວ ແມ່ນເພື່ອແນໃສ່ສ້າງເລນພິເສດ ສຳລັບລົດຖີບໂດຍສະເພາະ ເພື່ອຫລຸດຜ່ອນອຸບັດເຫດ ໃຫ້ແກ່ນັກປັ່ນລົດຖີບ ທັງເປັນການສົງເສີມ ໃຫ້ປະຊາຊົນ ຫັນມານຳໃຊ້ລົດຖີບ ເພື່ອຫລຸດຜ່ອນການນຳໃຊ້ພະລັງງານ ແລະ ອອກກຳລັງກາຍ ເພື່ອສຸຂະພາບໃຫ້ຫລາຍຂຶ້ນ.
