ຂປລ. ​ເນື່ອງ​​ໃນ​ໂອກາດ​ ກຽມ ​ຈັດ​ກອງ​ປະຊຸມ​ໃຫຍ່​ຜູ້​ແທນ​ຊາວ​ໜຸ່ມ​ທົ່ວ​ປະ​ເທດ ຄັ້ງ​ທີ VII ຄະນະ​ບໍລິຫານ​ງານ​ສູນ​ກາງ​ຊາວ​ໜຸ່ມ ​ປະຊາຊົນ​ ປະຕິວັດ​ລາວ (ຊປປລ) ນຳ​ໂດຍ​ທ່ານ ດຣ. ວິ​ໄລ​ວົງ ບຸດ​ດາ​ຄຳ ​ເລຂາ​ຄະນະ​ບໍລິຫານ​ງານ​ສູນ​ກາງ ຊປປລ ​ໄດ້​ເຂົ້າ​ວາງ​ພວງ​ມາລາ ໃນ​ວັນ​ທີ 29 ທັນວາ 2015 ຢູ່​ອານຸສາ​ວະລີ​ນັກ​ຮົມ​ນິລະນາມ (ດາວ​ແດງ), ວາງ​ກະຕ່າ​ດອກ​ໄມ້ ຢູ່ ຫໍພິພິທະພັນ ​ໄກສອນ​ພົມວິຫານ ​ແລະ ອານຸສອນ​ສະຖານ ປະທານສຸພາ​ນຸວົງ.

ການວາງພວງມະລາ ແລະ ກະຕ່າດອກໄມ້ໃນຄັ້ງນີ້ ເພື່ອເປັນການຂໍ​ພອນ​ໃຫ້​ກອງ​ປະຊຸມໃຫຍ່​ຜູ້​ແທນ​ຊາວ​ໜຸ່ມ​ທົ່ວ​ປະ​ເທດ ຄັ້ງ​ທີ VII ທີ່​ຈະຈັດ​ຂຶ້ນ​ ໃນ ​ລະຫວ່າງ​ ວັນ​ທີ 30-31 ທັນວາ ນີ້, ​ໃຫ້​ດຳ​ເນີນ​ໄປ​ດ້ວຍ​ຜົນສຳ​ເລັດ​ອັນ​ຈົບ​ງາມ ທັງ​ເປັນ ​ການລະນຶກເຖິງຄວາມເຄົາລົບຮັກ ແລະ ກະຕັນຍູ້ຮູ້ບຸນຄຸນ ເຖິງຄຸນງາມຄວາມດີ, ນ້ຳໃຈຕໍ່ສູ້ຢ່າງພິລະອາດຫານ ແລະ ບໍ່ຍອມຈຳນົນຂອງບັນດາບັນພະບູລຸດ ກໍຄືບັນດານັກຮົບປະຕິວັດ ທີ່ເສຍສະຫລະຊີວິດເລືອດເນື້ອ ເພື່ອປະເທດຊາດ ແລະ ປະຊາຊົນຢ່າງອົງອາດກ້າຫານ.

ແຫລ່ງຂ່າວ: