ສຳນັກຂ່າວຕ່າງປະເທດ ລາຍງານໃນວັນທີ 27 ທັນວາຜ່ານມານີ້ວ່າ ທ່ານ ພົນໂທ ເຊີເກ ຣູດສະຄອຍ ຮອງປະທານເສນາທິການ ກອງທັບບົກຣັດເຊຍ ໄດ້ອອກຖະແຫລງຂ່າວ ທີ່ກະຊວງປ້ອງກັນປະເທດ ນະຄອນຫລວງມົດສະກູ ເມື່ອວັນທີ 25 ທັນວາຜ່ານມາ ເຖິງຜົນງານ ການປະຕິບັດການໂຈມຕີທາງອາກາດ ຖະຫລົ່ມກຸ່ມລັດອິດສະລາມ ຫລື ໄອເອັສ ນັບຕັ້ງແຕ່ວັນທີ 30 ກັນຍາ 2015 ເປັນຕົ້ນມາ ແມ່ນໄດ້ທຳກາຍເປົ້າໝາຍກຸ່ມໄອເອັສແລ້ວ 5,240 ຄັ້ງ ດ້ວຍການສົ່ງເຮືອບິນສູ້ຮົບ ເຂົ້າໂຈມຕີໃນເຂດສັດຕູເຖິງ 189 ຄັ້ງ.

ພ້ອມດຽວກັນນັ້ນ ກອງທັບບົກຣັດເຊຍ ຍັງໄດ້ເຜີຍແຜ່ຂໍ້ມູນ ກ່ຽວກັບການໂຈມຕີ ຂະບວນລົດຂົນສົ່ງນ້ຳມັນເຖື່ອນ ຂອງກຸ່ມໄອເອັສ ທີ່ລັກລອບຂົນຂ້າມແດນ ເຂົ້າໄປພາຍໃນປະເທດຕວກກີ ຊຶ່ງໄດ້ທຳລາຍຂະບວນລົດ 17 ຂະບວນ ມີລົດຂົນສົ່ງນ້ຳມັນ ຈຳນວນ 2,000 ກ່ວາຄັນ ຖືກທຳລາຍ.