ສຳນັກຂ່າວຕ່າງປະເທດ ລາຍງານໃນວັນທີ 25 ທັນວານີ້ວ່າ ໃນມື້ວານນີ້ (24 ທັນວາ) ໃນລະຫວ່າງທີ່ ທ່ານ ວາລິດ ອັນມູນເລມ ລັດຖະມົນຕີວ່າການ ກະຊວງການຕ່າງປະເທດຊີຣີ ໄດ້ເດີນທາງມາຢ້ຽມຢາມ ສປ ຈີນ ຢ່າງເປັນທາງການ ແລະ ໄດ້ມີການພົບປະຫາລືກັບ ທ່ານ ຫວັງ ອີ້ ລັດຖະມົນຕີວ່າການ ກະຊວງການຕ່າງປະເທດຈີນ ຊຶ່ງຕໍ່ມາທັງສອງຝ່າຍ ໄດ້ຖະແຫລງວ່າ ຈີນຈະດຳເນີນນະໂຍບາຍ ການຊ່ວຍເຫລືອດ້ານມະນຸດສະທຳ ແກ່ປະເທດຊີຣີ ດ້ວຍການມອບເງິນຊ່ວຍເຫລືອ ຈຳນວນ 40 ລ້ານຢວນ ເພື່ອໃຫ້ລັດຖະບານຊີຣີ ນຳໄປພັດທະນາຊີວິດການເປັນຢູ່ ຂອງປະຊາຊົນ ທີ່ກຳລັງປະສົບຄວາມຫຍຸ້ງຍາກ ຈາກເຫດການສົງຄາມກາງເມືອງ ໃນປັດຈຸບັນ.