ເກີດຫຍັງຂື້ນກັບບໍລິສັດຍັກໃຫຍ່ Samsung ທີ່ຜະລິດສິນຄ້າເອເລັກໂທນິກ ລວມໄປເຖີງສະມາດໂຟນທີ່ມີລະບົບປະຕິບັດການ Android ໄດ້ເປີດເຜີຍຂໍ້ມູນສູ່ສາທາລະນະວ່າ ຈະມີການຫຼຸດພະນັກງານຈຳນວນ 10% ຂອງພະນັກງານທັງໝົດໃນສຳນັກງານໃຫຍ່ທີ່ປະເທດເກົາຫຼີໃຕ້ ເຊີ່ງ 10% ທີ່ວ່ານັ້ນໝາຍເຖີງຈະມີຄົນຕົກງານ 10,000ຄົນ. ໂອ້!ບໍ່ໜ້າເຊືຶອ ເຊີ່ງສາເຫດທີ່ Samsung ເລືອກທີ່ຈະຫຼຸດພະນັກງານກະບໍ່ມີຫຍັງຫຼາຍເຊີ່ງເພີ່ນອ້າງວ່າຈະຫຼຸດຄ່າໃຊ້ຈ່າຍເພື່ອເປັນທຶນສຳຮອງ ແລະ ການຫຼຸດພະນັກງານກໍ່ເປັນວິທີທີ່ງ່າຍທີ່ສຸດ ແຕ່ຖ້າເຮົາໄດ້ຕິດຕາມຂ່າວຂອງ Samsung ມາກ່ອນໜ້ານີ້ຈະຮູ້ວ່າ Samsung ລົ້ວເລວໃນຕະຫຼາດສະມາດໂຟນທີ່ປະເທດຈີນ ເຊີ່ງເປັນຕະຫຼາດທີ່ໃຫຍ່ທີ່ສຸດໃນໂລກ ແລະຜູ້ທີ່ຄອງຕະຫຼາດອັນດັບຕົ້ນໆທີ່ປະເທດຈີນກໍ່ເປັນຄ້າຍຍັກໃຫຍ່ຄື Huawei ແລະ Apple ນັ້ນເອງ ເຊີ່ງເຮົາກໍ່ຕ້ອງຕິດຕາມຕໍ່ໄປວ່າ Samsung ຈະມີວິທີຈັດການກັບຕະຫຼາດສະມາດໂຟນທີ່ຄູ່ແຂ່ງຮອບດ້ານພາກັນເປີດຕົວສະມາດໂຟນລຸ້ນໃໝ່ໃນທຸກໆເດືອນ
ນອກຈາກນັ້ນໃນໄວໆນີ້ ຫຼັງຈາກທີ່ Apple ເປີດໂຕ ແລ້ວກໍ່ມີຂ່າວແວ່ວໆມາວ່າໄວໆນີ້ ບໍລິສັດທີ່ຜະລິດອຸປະກອນ ແລະ ເຄືອຄ່າຍໂທລະຄົມມະນາຄົມລາຍໃຫຍ່ຢ່າງ Huawei ທີ່ຕີຕະຫຼາດກະຈາຍເຄືອຂ່າຍສູ່ຫຼາຍໆປະເທດທັ້ງຢູ່ໃນ ຢູໂຣບ ແລະ ອາຊີ ກຳລັງຄ່ອຍໆໄຕ່ລຳດັບສະມາດໂຟນຂຶ້ນມາບຽດຜູ້ທີ່ຄອງຕະຫຼາດຢູ່ກ່ອນຢ່າງ LG ລົງໄປ ເຮັດໃຫ້ຕົນເອງຂຶ້ນມາຄອງຢູ່ໃນອັນດັບທີ່ 3 ໃນໄລຍະເວລາທີ່ບໍ່ດົນ. ສື່ຫຼາຍປະເທດກຳລັງຕິດຕາມວ່າ Huawei P8 ຈະມີລະບົບປະຕິບັດການດີເລີດສົມກັບທີ່ນຳສະເໜີໄປຫຼືບໍ່ ສວ່ນພີ່ນ້ອງຊາວລາວເຮົາກໍ່ຖ້າອີກຈັກບຶດໃຈໜື່ງ ອີກບໍ່ດົນດັ່ງທີ່ວ່າ ສະມາດໂຟນຍຸກນີ້ມາໄວໄປໄວ ບາງລຸ້ນເປີດໂຕມາໄດ້ພຽງຈັກເດືອນ ພໍມີລຸ້ນໃໝ່ເປີດໂຕຂຶ້ນມາລຸ້ນເກົ່າກະປິວທັນທີ ຍຸກສະໄໝນີ້ ຕ້ອງດີແທ້ ຈື່ງສາມາດຄອງໃຈຜູ້ຊົມໃຊ້ໄດ້. ”ສະມາດໂຟນທີ່ດີນອກຈາກຈະຮັບຮອງລະບັບປະຕິບັດການທີ່ຄົບເຄື່ອງ ຍັງຕ້ອງພັດທະນາຢ່າງຕໍ່ເນື່ອງເພື່ອທີ່ຈະຄົ້ນຄວ້າສີ່ງໃໝ່ໆ ແລະ ນຳມາປັບໃຫ້ເຂົ້າກັບຜູ້ຊົມໃຊ້ໃຫ້ໄດ້ຫຼາຍທີ່ສຸດ”.

References:
– http://koreajoongangdaily.joins.com/news/article/Article.aspx?aid=3008958
– http://www.androidcentral.com/samsung-may-cut-10-percent-employees-cost-controlling-effort
– http://www.business-standard.com/article/international/samsung-to-cut-10-of-head-office-staff-daily-115090900025_1.html