ສຳນັກຂ່າວຕ່າງປະເທດ ລາຍງານໃນວັນທີ 22 ທັນວາຜ່ານມານີ້ວ່າ ສະຫະພາບເອີຣົບ ຫລື ອີຢູ ໄດ້ອອກມາປະກາດ ຂະຫຍາຍໄລຍະເວລາ ຂວ້ຳບາດເສດຖະກິດຕໍ່ຣັດເຊຍ ອອກໄປອີກ 6 ເດືອນ ເຖິງວັນທີ 31 ກໍລະກົດ 2016 ຊຶ່ງຄວບຄຸມດ້ານການເງິນ ພະລັງງານ ແລະ ການປ້ອງກັນປະເທດ ຈາກກໍລະນີຄວາມຂັດແຍ່ງ ກ່ຽວກັບບັນຫາອູແກຣນ ທີ່ຍັງຍືດເຍື້ອຍາວນານ ເນື່ອງຈາກລັດຖະບານອູແກຣນຊຸດປັດຈຸບັນ ທີ່ຫັນໄປນິຍົມຕາເວັນຕົກ ຈົນເຮັດໃຫ້ປະຊາຊົນຫລາຍແຂວງ ທາງພາກຕາເວັນອອກຂອງປະເທດ ທີ່ນິຍົມຣັດເຊຍ ດຳເນີນການແຍກຕົນອອກເປັນເອກະລາດ ແລະ ຂໍຂຶ້ນກັບຣັດເຊຍ ຊຶ່ງສ້າງຄວາມບໍ່ພໍໃຈ ໃຫ້ແກ່ລັດຖະບານອູແກຣນ ແລະ ພັນທະມິດຊາດຕາເວັນຕົກ ໃນບັນດາປະເທດສະຫະພາບເອີຣົບດັ່ງກ່າວ.