ສຳນັກຂ່າວຕ່າງປະເທດ ລາຍງານໃນວັນທີ 22 ທັນວາຜ່ານມານີ້ວ່າ ອົງການເພື່ອຜູ່ອົບພະຍົບລະຫວ່າງປະເທດ (IOM) ໄດ້ອອກຖະແຫລງການວ່າ ຈຳນວນຜູ່ອົບພະຍົບ ແລະ ຜູ່ລີ້ໄພ ທີ່ຫລັ່ງໄຫລເຂົ້າທະວີບເອີຣົບ ທັງໂດຍທາງບົກ ແລະ ທາງທະເລ ພາຍໃນປີ 2015 ນີ້ ບັນລຸຈຳນວນ 1,005,504 ຄົນແລ້ວ ຊຶ່ງເປັນຕົວເລກ ທີ່ຫລາຍກ່ວາປີ 2014 ເຖິງ 4 ເທົ່າ ສ່ວນໃຫຍ່ແມ່ນມາຈາກ ປະເທດຊີຣີ, ອີຣັກ ແລະ ອັບການິສະຖານ ໂດຍເຂົ້າມາເອີຣົບຜ່ານ 6 ປະເທດໄດ້ແກ່ ປະເທດເກຣັກ, ບູນກາຣີ, ອີຕາລີ, ແອັດສະປາຍ, ມານຕາ ແລະ ໄຊປຣັດ.
ທັງນີ້ ຍັງມີຈຳນວນຜູ່ອົບພະຍົບ ເສຍຊີວິດຈາກການຈົມນ້ຳ ຫລື ຍັງສູນຫາຍ ຈາກການເດີນທາງມາທາງເຮືອ ໃນທະເລເມດິແຕຣານຽນ ອີກຈຳນວນເຖິງ 3,695 ຄົນ ແລ້ວພາຍໃນປີນີ້.