ພະແນກສຶກສາທິການ ແລະ ກິລາ ແຂວງຊຽງຂວາງ ຮ່ວມກັບ ສະຫະພັນບານເຕະແຫ່ງຊາດລາວ ຈັດການແຂ່ງຂັນບານເຕະປະເພດທີມຍິງ ຮຸ່ນອາຍຸ 16 ປີ ໃນລະຫວ່າງວັນທີ 22-27 ທັນວາ 2015 ນີ້້ເພື່ອເປັນການຄັດເລືອກນັກກິລາດີເດັ່ນກຽມເຂົ້າຮັບໃຊ້ທີມຊາດຕາມໂຄງການພັດທະນາບານເຕະຍິງຂອງສະຫະພັນບານເຕະແຫ່ງຊາດໃນປີ 2016 ໂດຍມີເປົ້າໝາຍເຄື່ອນ
ໄຫວ ສົມທົບກັບ 4 ແຂວງພາກເຫນືອປະກອບມີ : ແຂວງໄຊຍະບູລີ , ແຂວງ ຫລວງພະບາງ , ແຂວງ ອຸດົມໄຊ ແລະ ແຂວງຊຽງຂວາງ .
ດັ່ງນັ້ນໃນທ້າຍເດືອນທັນວານີ້ ແຂວງຊຽງຂວາງຈະໄດ້ຈັດການແຂ່ງຂັນບານເຕະຍິງຮຸ່ນ 16 ປີ ເຊິ່ງຈະມີນັກກິລາເຂົ້າຮ່ວມແຂ່ງຂັນ 8 ພາກສ່ວນ ປະກອບມີ:
1. ໂຮງຮຽນມັດທະຍົມຕອນປາຍໂພນສະຫວັນ.
2. ມສ ໂພນທອງ
3. ມສ ສີບຸນເຮືອງ
4. ມສ ແຮກມານ
5. ມສ ວຽງທອງ
6. ມສ ນາມ້າ
7. ມສ ຈອມເພັດ
8. ມສ ຈອມແຈ້ງ
ເຊິ່ງການແຂ່ງຂັນແມ່ນຈະໄດ້ຈັດການແຂ່ງຂັນແບ່ງອອກເປັນ 2 ກຸ່ມ ແຕ່ລະກຸ່ມແຂ່ງຂັນພົບກັນໝົດເອົາທີ 1-2 ຜ່ານເຂົ້າໄປຫຼີ້ນໃນຮອບຕໍ່ໄປ .

ຂ່າວແລະພາບຈາກ: ສະຫະພັນບານເຕະແຫ່ງຊາດລາວ