spot_img
Homeວົງການສື່ມວນຊົນກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ເນັ້ນ 9 ບັນຫາໃນການຄຸ້ມຄອງວຽກງານສື່ມວນຊົນ

ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ເນັ້ນ 9 ບັນຫາໃນການຄຸ້ມຄອງວຽກງານສື່ມວນຊົນ

Published on

SPS_1108-650x433

ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ (ຖວທ) ໄດ້ໄຂກອງປະຊຸມປຶກສາຫາລືໃນການຄຸ້ມຄອງວຽກງານຖະແຫຼງຂ່າວ-ສື່ມວນຊົນ ປະຈໍາປີ 2015 ຂຶ້ນໃນຕອນເຊົ້າວັນທີ 21 ທັນວາ 2015 ທີ່ກະຊວງ ຖວທ ໂດຍການເປັນປະທານຂອງທ່ານ ສະຫວັນຄອນ ຣາຊະມຸນຕຣີ ລັດຖະມົນຕີຊ່ອຍວ່າການກະຊວງ ຖວທ ມີຫົວໜ້າກົມສື່ມວນຊົນ ບັນດາກົມກອງວິຊາການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

…….ທ່ານລັດຖະມົນຕີຊ່ອຍວ່າການກະຊວງ ຖວທ ໄດ້ກ່າວໄຂກອງປະຊຸມໃນຄັ້ງນີ້ວ່າ ຕະຫຼອດໄລຍະທີ່ຜ່ານມາ ເຫັນວ່າ ວຽກງານຖະແຫຼງຂ່າວ-ສື່ມວນຊົນ ທັງສູນກາງ ແລະ ທ້ອງຖິ່ນ ໄດ້ປະກອບສ່ວນຮັບໃຊ້ ໂຄສະນາເຜີຍແຜ່ຜົນງານການປົກປັກຮັກສາ ແລະ ສ້າງສາພັດທະນາປະເທດຊາດ ເຕັມໄປດ້ວຍເນື້ອໃນອຸດົມສົມບູນ ມີຫຼາຍຮູບຫຼາຍສີ ແລະ ໄດ້ມີສຽງຊົມເຊີຍຕອບຮັບທີ່ດີຈາກສັງຄົມ ຄົນລາວຜູ້ຮັກຊາດທັງພາຍໃນ ແລະ ຕ່າງປະເທດ ເຊິ່ງນຶ່ງທົດສະວັດຜ່ານມາ ສື່ມວນຊົນລາວມີການຂະຫຽາຍໂຕໄວທາງດ້ານປະລິມານ ແລະ ຄຸນະພາບ ມີຄວາມເຂັ້ມແຂງດ້ານການຈັດຕັ້ງ ມີການເຂົ້າຮ່ວມຈາກທຸກພາກສ່ວນທັງລັດ-ເອກະຊົນ ໃນລະດັບສູນກາງ ແລະ ທ້ອງຖິ່ນ ມີຄວາມສາມາດຄຸ້ມຄອງ ປະສານສົມທົບເຮັດໜ້າທີ່ການເມືອງໄດ້ຢ່າງມີປະສິດທິຜົນດີພໍສົມຄວນ ເຊິ່ງສະແດງອອກ ປະຊາຊົນລາວສາມາດເຂົ້າເຖິງຂໍ້ມູນຂ່າວສານທັງພາຍໃນ ແລະ ຕ່າງປະເທດ ສາມາດຊົມລາຍການໂທລະພາບໄດ້ຫຼາຍກວ່າ 50 ຊ່ອງ ແລະ ຜູ້ຢູ່ລຽບຕາມຊາຍແດນສາມາດຟັງລາຍການວິທະຍຸປະເທດເພື່ອນບ້ານໃກ້ຄຽງໄດ້ຫຼາຍກວ່າ 1.000 ສະຖານີ ນອກນັ້ນ ຜູ້ມີເງື່ອນໄຂໃຊ້ຄອມພິວເຕີ ສະມາດໂຟນ ກໍສາມາດເຂົ້າເຖິງສື່ແບບໃໝ່.

ພັກ-ລັດຖະບານ ໄດ້ມີນະໂຍບາຍຊຸກຍູ້ການຈັດຕັ້ງ ແລະ ບຸກຄົນທັງພາຍໃນ ແລະ ຕ່າງປະເທດ ປະກອບສ່ວນເຂົ້າໃນການພັດທະນາສື່ມວນຊົນດ້ວຍການສະໜອງພາຫະນະ ວັດຖຸປະກອນ ທຶນຮອນ ແລະ ອື່ນໆໃຫ້ແກ່ວຽກງານສື່ມວນຊົນລາວ ແລະ ສປປ.ລາວ ກໍໄດ້ເປັນສະມາຊິກອົງການການຄ້າໂລກ ແລະ ສະມາຊິກປະຊາຄົມເສດຖະກິດອາຊຽນ ໃນຂໍ້ຜູກພັນພູດທີ 10 ບັນດາປະເທດສະມາຊິກອາຊຽນ ໃນຂອບເຂດບໍລິການອາຊຽນ ໄດ້ໃຫ້ໄວ້ຮ່ວມກັນ ເຊິ່ງລະບຸວ່າ ການລົງທຶນດ້ານບໍລິການການກະຈາຍພາບ-ສຽງ ການເກັບກໍາຂ່າວ ການສໍາພາດ ການຖ່າຍທອດສົດ ແລະ ອື່ນໆ ເຊິ່ງເປັນສິ່ງທ້າທາຍ ແລະ ໂອກາດສ້າງພະນັກງານວິຊາການຮຽນຮູ້ ແລະ ມີຄວາມສາມາດນໍາໃຊ້ບັນດາເຕັກໂນໂລຊີໃໝ່ທີ່ທັນສະໄໝ ຮວມທັງການຄຸ້ມຄອງຜົນປະໂຫຽດໃຫ້ແກ່ປະເທດຊາດ.

…….ລັດຖະມົນຕີຊ່ອຍວ່າການກະຊວງ ຖວທ ໄດ້ເນັ້ນວ່າ ການຈັດກອງປະຊຸມປຶກສາຫາລືກັນໃນເທື່ອນີ້ ມີຄວາມສໍາຄັນຫຼາຍສໍາລັບອົງການຄຸ້ມຄອງສື່ມວນຊົນແຕ່ລະຂັ້ນ ເຊິ່ງຈະໄດ້ແລກປ່ຽນສະພາບ ແລະ ບັນຫາໂຕຈິງທີ່ເກີດຂຶ້ນໃນໄລຍະທີ່ຜ່ານມາ ເຊິ່ງຄວນເອົາໃຈໃສ່ 9 ບັນຫາ ຄື (1) ສະພາບການຄຸ້ມຄອງວຽກງານໂຄສະນາ ເນື້ອໃນ ຮູບການ ບັນນາທິການ ນັກຂ່າວ ວິຊາສະເພາະ ແລະ ການນໍາໃຊ້ຊັບພະຍາກອນ ບຸກຄະລາກອນຮ່ວມກັນລະຫວ່າງຂະແໜງການ ລະຫວ່າງ ສູນກາງກັບທ້ອງຖິ່ນ (2) ບົດບາດໜ້າທີ່ ສິດຂອບເຂດການເຄື່ອນໄຫວ ການອະນຸຍາດສ້າງຕັ້ງສື່ມວນຊົນ ຂະໜາດກໍາລັງສົ່ງວິທະຍຸ ໂທລະພາບ ໃນລະດັບຕ່າງໆ ແລະ ການຈັດລະບຽບຄື້ນຄວາມຖີ່ (3) ການສ້າງຕັ້ງອົງການສື່ມວນຊົນ ໜັງສືພິມ ວິທະຍຸ ໂທລະພາບ ວາລະສານ (4) ການຄຸ້ມຄອງຊ່ອງລາຍການໂທລະພາບໃຊ້ສາຍ ແລະ ບໍ່ໃຊ້ສາຍຢູ່ທ້ອງຖິ່ນ ໂດຍກະຊວງ ຖວທ ກໍໄດ້ອອກແຈ້ງການຂອງລັດຖະມົນຕີກ່ຽວກັບການປັບປຸງສັບຊ້ອນຊ່ອງລາຍການໂທລະພາບຄືນໃໝ່ ແລະ ຊອກຫາວິທີແກ້ໄຂຮ່ວມກັນໃຫ້ເປັນຫຼັກການເອກະພາບທົ່ວປະເທດ ແລະ ມີມາດຕະຖານໃນການບໍລິການສັງຄົມ (5) ສິດກ່ຽວກັບລິຂະສິດຕໍ່ຜະລິດຕະພັນສື່ມວນຊົນ (6) ດາວທຽມລາວ ແລະ ທິດທາງແຜນການຈະໃຊ້ໃຫ້ເກີດປະໂຫຽດໃນວຽກງານນສື່ມວນຊົນ (7) ການຄຸ້ມຄອງສື່ແບບໃໝ່ Social Media IPTV ຈະໃຫ້ປະຊາຊົນຮູ້ສິດການສະແດງອອກແນວໃດ ເພື່ອບໍ່ຜິດກົດໝາຍ ແລະ ຈະມີການຊຸກຍູ້ ຕິດຕາມກວດກາແນວໃດ (8) ຜ່ານຮ່າງຂໍ້ຕົກລົງລັດຖະມົນຕີວ່າດ້ວຍ ການຄຸ້ມຄອງໂທລະພາບໃຊ້ສາຍ ແລະ ບໍ່ໃຊ້ສາຍ ແລະ (9) ບັນຫາອື່ນໆທີ່ປິ່ນອ້ອມວຽກງານສື່ມວນຊົນ.

…….ວາລະການປຶກສາຫາລືໃນກອງປະຊຸມດັ່ງກ່າວ ແມ່ນດໍາເນີນໄປເປັນເວລາ 3 ວັນຈິ່ງຈະສໍາເລັດ.

ແຫ່ລງຂ່າວ

ວຈທດ

ບົດຄວາມຫຼ້າສຸດ

ສົມເດັດພະເທບ ຢ້ຽມຢາມໂຮງຮຽນວັດທະນະທໍາປ້ອງກັນຄວາມສະຫງົບ ທີ່ແຂວງວຽງຈັນ.

ສົມເດັດພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງຣາຊະອານາຈັກໄທ ຢ້ຽມຢາມໂຮງຮຽນວັດທະນະທໍາ ປກສ ຕອນບ່າຍວັນທີ 23 ເມສາ 2025 , ສົມເດັດພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງ...

ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ

ເຄື່ອນຍ້າຍອັດຖິ ພົນເອກ ຄຳໄຕ ສີພັນດອນ ໄປສະຖິດຢູ່ ສຸສານນັກຮົບປະຕິວັດແຫ່ງຊາດ ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ ອະດີດປະທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສາທາລະນະລັດ...

ມອບ-ຮັບງົບປະມານ ໃນການສ້ອມແປງເສັ້ນທາງ 16B ໄລຍະທາງ 8 ກິໂລແມັດ

ກຽມສ້ອມແປງເສັ້ນທາງ 16B ດ້ວຍງົບປະມານມູນຄ່າ 445.053,17 ໂດລາສະຫະລັດ ໃນວັນທີ 22 ເມສາ ນີ້ ທີ່ຫ້ອງປະຊຸມ ພະແນກໂຍທາທິການ ແລະ ຂົນສົ່ງແຂວງເຊກອງ ໄດ້ມີພິທີມອບ-ຮັບງົບປະມານ ໃນການສ້ອມແປງເສັ້ນທາງ...

ກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025.

ຫສນຍ ຈັດກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025. ໃນຕອນເຊົ້າວັນທີ 21 ເມສາ 2025 ທີ່ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ຈັດກອງປະຊຸມສະຫຼຸບການນໍາພາ-ຊີ້ນໍາວຽກງານຮອບດ້ານ...