Facebook ຈັບມື Uber ໃຫ້ຜູ້ໃຊ້ເອີ້ນແທັກຊີ່ໄດ້ຜ່ານແອັບ Messenger ບໍ່ຈຳເປັນຕ້ອງຕິດຕັ້ງແອັບ Uber
ເມື່ອວັນທີ່ 17 ທັນວາ 2015 Facebook ໄດ້ຈັບມືກັບ Uber ເພີ່ມຟັງຊັ່ນໃຫ້ຜູ້ໃຊ້ແອັບ Messenger ສາມາດເອີ້ນແທັກຊີ່ Uber ໄດ້ທາງ Messenger ໂດຍບໍ່ຈຳເປັນຕ້ອງຕິດຕັ້ງແອັບ Uber ເລີຍ ພຽງແຕ່ກົດປຸ່ມຮູບລົດໃນໜ້າແຊັດ ກໍສາມາດລະບຸສະຖານທີ່ເພື່ອເອີ້ນແທັກຊີ່ຂອງ Uber ໄດ້ທັນທີ ແລະສຳລັບຜູ້ທີ່ບໍ່ມີບັນຊີ Uber ກໍສາມາດສະໝັກໃນແອັບ Messenger ໄດ້ເລີຍເຊັ່ນກັນ ໂດຍການຕິດຕໍ່ກັບເຈົ້າຫນ້າທີ່ຂອງ Uber ລະຫວ່າງການເອີ້ນລົດກໍຈະຕິດຕໍ່ກັນຜ່ານ Messenger ລວມທັງສາມາດຈ່າຍເງີນຜ່ານ Messenger ໄດ້ສຳເລັດ
ນອກຈາກນີ້ຖ້າຫາກມີການພິມຊື່ທີ່ຢູ່ຫລືສະຖານທີ່ໃນຫ້ອງແຊັດ ຜູ້ໃຊ້ Messenger ກໍສາມາດກົດທີ່ຂໍ້ຄວາມນັ້ນເພື່ອເອີ້ນແທັກຊີ່ໄດ້ທັນທີເຊັ່ນກັນ ຢ່າງໃດກໍຕາມຟັງຊັ່ນດັ່ງກ່າວໄດ້ເປີດໃຫ້ໃຊ້ງານໄດ້ສະເພາະໃນສະຫະລັດເທົ່ານັ້ນ ສ່ວນປະເທດອື່ນໆ ຄາດວ່າຈະເປີດໃຫ້ໃຊ້ງານໄດ້ໃນອະນາຄົດ