Homeຂ່າວທ້ອງຖິ່ນເຈົ້າເມືອງໄຊເຊດຖາ ລົງຊຸກຍູ້ການຜະລິດເຂົ້າ ດ້ວຍເຕັກນິກທັນສະໄໝ ຢູ່ບ້ານໂຊກນ້ອຍ

ເຈົ້າເມືອງໄຊເຊດຖາ ລົງຊຸກຍູ້ການຜະລິດເຂົ້າ ດ້ວຍເຕັກນິກທັນສະໄໝ ຢູ່ບ້ານໂຊກນ້ອຍ

Published on

d67cccc66b0d5357c00742a34207e197

ວັນ​ທີ 15 ທັນວາ 2015 ທ່ານ ຖະໜອມ ທຳ​ທອງ ເຈົ້າເມືອງ​ໄຊເຊດ​ຖາ ໄດ້​ລົງ​ຊຸກຍູ້​ຂະ​ບວນ​ການຜະລິດ​ກະສິກຳ ​ເມືອງ​ໄຊ​ເຊດ​ຖາ ນະຄອນຫຼວງ​ວຽງ​ຈັນ ຢູ່​ທີ່​ຫ້ອງການ​ກະສິກຳ​ເມືອງ​ດັ່ງກ່າວ ໂດຍມີ​ທ່ານ ພອນ​ສະຫວັນ ບົວ​ພາ ຫົວໜ້າ​ຫ້ອງການ​ກະສິກຳ​ເມືອງໄຊ​ເຊດ​ຖາ ຫົວໜ້າ​ໜ່ວຍ​ງານ ແລະ ພະນັກງານ​ກ່ຽວຂ້ອງ​ເຂົ້າຮ່ວມ.

ທ່ານ​ຫົວໜ້າ​ຫ້ອງການ​ກະສິ​ກຳ​ເມືອງ ໄດ້​ລາຍ​ງານ​ກ່ຽວກັບ​ການຈັດຕັ້ງ​ປະຕິບັດ​ການ​ຜະລິດ ​ໃນ​ໄລຍະ​ຜ່ານ​ມາ ໂດຍ​ສະເພາະ ການ​ຜະລິດ​ກະສິກຳ ເຊິ່ງທ່ານ​ກ່າວ​ວ່າ: ການ​ຜະລິດ​ເຂົ້ານາປີ ​ເນື້ອທີ່​ແຜນການ​ແມ່ນ 2 ພັນ​ເຮັກຕາ ໃຊ້​ແນວ​ພັນ​ເຂົ້າປູກ 160 ໂຕນ ສາມາດ​ຈັດ​ຕັ້ງ​ປະຕິບັດ​ໄດ້​ຕາມ​ແຜນການ 100% ໃນ​ນັ້ນ ນາ​ປັກ​ດຳ 1.490 ເຮັກຕາ ນາຫວ່ານ 480 ເຮັກຕາ ນາ​ເຂົ້າຈ້າວ 30 ເຮັກຕາ ສະເລ່ຍສະມັດ​ຖະ​ພາບ​ເຂົ້າ 4,72 ໂຕນ​ຕໍ່ເຮັກຕາ ເທົ່າ​ກັບ 9.169 ໂຕນ ການ​ປູກ​ພືດ​ລະດູຝົນ​ເນື້ອທີ່​ແຜນການແມ່ນ 80 ເຮັກຕາ ປະຕິບັດໄດ້ 100% ເນື້ອທີ່​ການ​ປັກ​ດຳເຂົ້ານາແຊງ ແຜນການ 620 ເຮັກຕາ ໃສ່​ແນວ​ພັນ​ເຂົ້າປູກ​ທັງໝົດ 49,6 ໂຕນ ມາ​ຮອດ​ປັດ​ຈຸບັນ ປະຊາຊົນ​ສາມາດ​ຕົກກ້າ​ໄດ້ 30 ໂຕນ ເທົ່າ​ກັບ 60,08% ການ​ປູກ​ພືດ​ຜັກ​ລະດູແລ້ງ​ແຜນການ 220 ເຮັກຕາ ສາມາດ​ຈັດຕັ້ງ​ປະຕິບັດ​ໄດ້ 148,20 ເຮັກຕາ 67,30% ພືດ​ກິນ​ໃບ 118,10 ເຮັກຕາ ພືດ​ໃຫ້​ໝາກ 30,10 ເຮັກຕາ ຖ້າ​ທຽບໃສ່​ມະຕິ​ກອງປະຊຸມ​ໃຫຍ່ ​ຄັ້ງ​ທີ V ຂອງ​ອົງຄະນະ​ພັກ​ນະຄອນຫຼວງ​ວຽງ​ຈັນ ​ຫຼຸດລົງ 10,65%.

ໂອກາດ​ດັ່ງກ່າວ ທ່ານ​ເຈົ້າເມືອງ​ໄຊ​ເຊດ​ຖາ ​ກໍ່​ໄດ້​ລົງ​ຊຸກຍູ້ການ​ຜະລິດ​ເຂົ້ານາ​ໄຮ່​ນ້ອຍ​ເປັນນາ​ໄຮ່​ໃຫຍ່ ຢູ່​ບ້ານໂຊກ​ນ້ອຍ ທີ່ເປັນ​ໂຄງການ​ທຳ​ອິດ​ຂອງ​ເມືອງໄຊ​ເຊດ​ຖາ ໂດຍ​ມີ 9 ຄອບຄົວເຂົ້າ​ຮ່ວມ ໃນ​ເນື້ອທີ່ 35 ເຮັກຕາ ທັງ​ນີ້​ເພື່ອ​ຊຸກຍູ້​ສົ່ງເສີມ​ໃຫ້​ຊາວນາ​ທຳ​ການ​ຜະລິດ ໂດຍ​ໃຊ້​ເຕັກນິກ​ທີ່​ທັນ​ສະໄໝ​ເຂົ້າ​ມາ​ຊ່ວຍ ນັບຕັ້ງແຕ່​ມື້​ເລີ່ມ​ຕົ້ນ​ການ​ໄຖ ຄາດ ປັກ​ດຳ ແລະ ເກັບ​ກ່ຽວ ເພື່ອ​ເປັນການ​ປະຢັດ​ແຮງ​ງານ ແລະ ເພີ່ມຜົນ​ຜະລິດ​ໃຫ້​ສູງ​ຂຶ້ນ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...