ສຳນັກຂ່າວຕ່າງປະເທດ ລາຍງານໃນວັນທີ 17 ທັນວາຜ່ານມານີ້ວ່າ ເວັບໄຊໄດຣີ່ເມວ ໄດ້ເປີດເຜີຍຜົນການຈັດອັນດັບ ປະເທດທີ່ໜ້າຢູ່ທີ່ສຸດໃນໂລກ ປະຈຳປີ 2015 ຈາກການອີງໃສ່ ດັດຊະນີການພັດທະນາມະນຸດ (HDI) ໃນຈຳນວນ 188 ປະເທດທົ່ວໂລກ ຊຶ່ງດັດຊະດີດັ່ງກ່າວ ຈັດຂຶ້ນໂດຍອົງການສະຫະປະຊາຊາດ ເພື່ອການພັດທະນາ ຫລື UNDP ເປັນຕົວຊີ້ວັດສຳຄັນ ຊຶ່ງໄດ້ແກ່ປັດໄຈ 3 ປະການຄື ຄວາໝັ້ນຄົງໃນຊີວິດ, ການສຶກສາ ແລະ ລາຍໄດ້ມວນລວມຂອງປະເທດ.

ຜ່ານຜົນການຈັດດັນດັບພົບວ່າ ປະເທດນອກແວ ຍັງຄົງຄອງແຊັ້ມ ເປັນປະເທດທີ່ໜ້າຢູ່ທີ່ສຸດໃນໂລກ ໃນຈຳນວນ 10 ປະເທດທີ່ໜ້າຢູ່ທີ່ສຸດໃນໂລກ ປະຈຳປີ 2015 ຊຶ່ງປະກອບມີດັ່ງນີ້:

1) ປະເທດນອກແວ

2) ອົດສະຕາລີ

3) ສະວິດ

4) ດານມາກ

5) ເນເທີແລນ (ໂຮນລັງ)

6) ເຢຍລະມັນ

7) ອຽກລັງ

8) ສະຫະລັດອາເມຣິກາ

9) ການາດາ

10) ນິວຊີແລນ