ຂປລ, ໃນວັນທີ16 ທັນວາ 2015 ຢູ່ນະຄອນຫລວງວຽງຈັນ ທ່ານນາງ ດຣ. ສູນທອນ ໄຊຍະຈັກ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ປະດັບຫລຽນໄຊມິດຕະພາບໃຫ້ທ່ານ ໂອ ມອງຮວນ(Oh myung hwan)ປະທານສະມາ ຄົມມິດຕະພາບ ສ ເກົາຫລີ-ລາວ ແລະ ຫລຽນກາມິດຕະພາບ ໃຫ້ແກ່ຄະນະດັ່ງກ່າວ ເພື່ອເປັນການຍ້ອງຍໍສັນລະເສີນ ໃຫ້ແກ່ສະມາຄົມດັ່ງກ່າວ ທີ່ໄດ້ປະກອບສ່ວນສະໜັບສະໜຸນ ຊ່ວຍເຫລືອລາວ ຕະຫລອດໄລຍະຜ່ານມາ ໂດຍການຂົນຂວາຍ ທືນຊ່ວຍເຫລືອໃຫ້ແກ່ດ້ານການສຶກສາ ແລະ ສາທາ ນັບແຕ່ປີ 2009 ມາເຖິງປັດຈຸບັນ ມີມູນຄ່າຈຳນວນ 6 ແສນ ກວ່າໂດລາສະຫະລັດ ເຊິ່ງທຶນດັ່ງກ່າວ ໄດ້ນຳໃຊ້ເຂົ້າໃນການປູກສ້າງໂຮງຮຽນ, ຈັດຊື້ອຸປະ ກອນທາງການແພດ, ຢາປົວພະຍາດ ແລະ ອື່ນໆ, ນອກນີ້ ສະມາຄົມມິດຕະພາບ ສ ເກົາຫລີ-ລາວ ຍັງ ໄດ້ມີການໂຄ ສະນາການທ່ອງທ່ຽວລາວ ຢູ່ ສ ເກົາຫລີ ອັນໄດ້ເຮັດໃຫ້ນັກທ່ອງທ່ຽວ ສ ເກົາຫລີ ເດີນທາງເຂົ້າມາທ່ອງທ່ຽວລາວ ນັບມື້ນັບເພີ່ມຂຶ້ນ ກໍຄື ໄດ້ເຊີນຊວນ ນັກທຸລະກິດ ສ ເກົາຫລີໃຫ້ເຂົ້າມາລົງທຶນຢູ່ ສປປ ລາວ ເພີ່ມຫລາຍຂຶ້ນ.
ທ່ານນາງ ດຣ. ສູນທອນ ໄຊຍະຈັກ ໄດ້ສະແດງຄວາມຂອບໃຈ ຕໍ່ການຊ່ວຍເຫລືອຂອງສະມາຄົມມິດຕະພາບ ສ ເກົາຫລີ-ລາວ ທີ່ໄດ້ປະກອບສ່ວນຊ່ວຍເຫລືອ ສປປລາວ ຕະຫລອດໄລຍະຜ່ານມາ ອັນໄດ້ເປັນການປະກອບສ່ວນສຳຄັນ ເຂົ້າໃນການພັດທະນາເສດຖະກິດ-ສັງຄົມ-ການລົງທຶນ ຢູ່ ສປປ ລາວ ກໍຄື ເປັນການສົ່ງເສີມສາຍພົວພັນມິດຕະ ພາບ ລາວ – ສ ເກົາຫລີ ໃຫ້ນັບມື້ນັບແໝ້ນແຟ້ນ ຍິ່ງຂຶ້ນ.
ແຫ່ລງຂ່າວ
