spot_img
Homeຂ່າວການພັດທະນາເກົາຫຼີໃຕ້ຊ່ວຍ 3 ລ້ານໂດລາ ສ້າງສູນໄອທີ ໃຫ້ສູນກາງຊາວໜຸ່ມ ປະຊາຊົນ ປະຕິວັດລາວ!

ເກົາຫຼີໃຕ້ຊ່ວຍ 3 ລ້ານໂດລາ ສ້າງສູນໄອທີ ໃຫ້ສູນກາງຊາວໜຸ່ມ ປະຊາຊົນ ປະຕິວັດລາວ!

Published on

05ddb637180e0cfb11208a52d9bbf9a6

ພິທີ​ເຊັນ​ບົດ​ບັນທຶກ​ຮ່ວມ​ມືໂຄງການ​ສ້າງ​ ສູນ​ໄອ​ທີ ຂອງ​ສູນກາງ​ຊາວ​ໜຸ່ມ​ປະຊາຊົນ​ປະຕິວັດລາວ ກັບ​ອົງການ​ຮ່ວມ​ມື​ສາກົນຂອງ ສ ເກົາຫຼີ (ກອຍ​ກາ) ປະຈຳ ​ສປປ ລາວ ໄດ້​ຈັດ​ຂຶ້ນ​ໃນ​ວັນ​ທີ 14 ທັນວາ 2015 ຢູ່​ທີ່​ໂຮງແຮມ​ແລນມາກ​ແມ່​ຂອງ​ລີ​ເວີ​ໄຊ ຕາງໜ້າລົງ​ນາມ​ຂອງ​ທ່ານ ອາ​ລຸນ​ໄຊ ສູນ​ນະລາດ ຫົວໜ້າ​ຫ້ອງການສູນ​ກາງ​ຊາວ​ໜຸ່ມປະຊາຊົນ​ປະຕິວັດ​ລາວ ແລະ ທ່ານ ຮັງ​ຈູຄິມ ຜູ້ຕາງໜ້າ​ຫ້ອງການກອຍ​ກາ ປະຈຳ ​ສປປ ລາວ ມີ​ທ່ານ ​ດຣ. ຄຳ​ຜາ ພິມ​ມະ​ສອນ ຮອງ​ເລຂາຄະນະ​ບໍລິຫານ​ງານ​ສູນ​ກາງ​ຊາວໜຸ່ມ​ປະຊາຊົນ​ປະຕິວັດ​ລາວ ພ້ອມ​ດ້ວຍ​ຫົວໜ້າ​ກົມ ຮອງ​ກົມ ມາ​ຈາກ​ກະຊວງ​ແຜນການ ແລະ ການ​ຮ່ວມ​ມື ແລະ ພະນັກງານກ່ຽວຂ້ອງ​ສອງ​ຝ່າຍ ​ເຂົ້າ​ຮ່ວມເປັນ​ສັກຂີ​ພິຍານ.

ໂຄງການ​ດັ່ງກ່າວ ​ເປັນ​ໂຄງການ​ທີ່​ໄດ້​ຮັບ​ການ​ຊ່ວຍເຫຼືອ​ຈາກລັດຖະບານ ສ ເກົາຫຼີ ຈຳນວນ 3 ລ້ານ​ໂດ​ລາ​ສະຫະລັດ ສ້າງຕັ້ງສູນ​ໄອ​ທີ ທີ່​ເປັນ​ການ​ສະໜັບ​ສະໜູນ​ໃຫ້​ແຜນການ​ຂອງ​ລັດ​ຖະບານ ໂດຍ​ສະເພາະແມ່ນ​ການພັດທະນາ​ຊັບພະຍາກອນ​ມະນຸດ ເຊິ່ງ ​ສປປ ລາວ ຈະ​ຕ້ອງ​ມີ​ຊັບ​ພະຍາ​ກອນ​ມະນຸດ​ທີ່​ມີ​ຄຸນະພາບ ເພື່ອ​ເຮັດ​ໃຫ້​ປະເທດ​ຊາດ​ຫຼຸດ​ພົ້ນອອກ​ຈາກ​ຄວາມ​ດ້ອຍ​ພັດທະນາ ໃນ​ປີ 2020 ພ້ອມ​ກັນ​ນັ້ນ ສູນ​ໄອທີ​ດັ່ງກ່າວ ​ຈະ​ເປັນ​ສູນ​ເຊື່ອມ​ໂຍງລະຫວ່າງ​ສູນ​ກາງ​ຊາວ​ໜຸ່ມ-ທ້ອງຖິ່ນ ເຊື່ອມ​ໂຍງ​ລະຫວ່າງ​ສູນກາງ​ຊາວ​ໜຸ່ມ​ກັບ​ລະດັບ​ພາກ​ພື້ນ ມັນ​ຈະ​ເປັນ​ທ່າແຮງ​ອັນ​ໜຶ່ງ​ສຳລັບ​ຊາວ​ໜຸ່ມ​ລາວ ​ໃນ​ການ​ຍົກ​ລະດັບ​ຄວາມ​ສາມາດ​ຂອງ​ຕົນ​ ເຂົ້າໃນ​ຂະ​ບວນ​ການ​ແຂ່ງຂັນ​ ໃນການ​ເຊື່ອມ​ໂຍງ​ກັບ​ປະຊາ​ຄົມເສດຖະກິດ​ອາ​ຊຽນ ສຳລັບ​ກຳນົດ​ເວລາ​ໃນ​ການຈັດຕັ້ງ​ປະຕິບັດແມ່ນ 3 ປີ ແຕ່​ປີ 2016 ຫາ​ປີ 2018.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...