ເພື່ອເປັນການຮັດແໜ້ນສາຍພົວພັນຮ່ວມມື ແລະ ຖອດຖອນບົດຮຽນ ກ່ຽວກັບວຽກງານສື່ສິ່ງພິມ ລາວ-ຫວຽດນາມ ເຊິ່ງເປັນກະບອກສຽງຂອງພັກນະຄອນຫຼວງຂອງສອງປະເທດ ໃຫ້ນັບມື້ເຕີບໃຫຍ່ຂະຫຍາຍຕົວ ແລະ ກ້າວສູ່ລວງເລິກຍິ່ງໆຂຶ້ນ ພິທີເຊັນບົດບັນທຶກການຮ່ວມມືລະຫວ່າງທ່ານນາງ ແກ້ວຊ້ອນ ຈັນທະນາມ ຮອງຫົວໜ້າບັນນາທິການ ໜັງສຶພິມວຽງຈັນໃໝ່ ວຽງຈັນທຸລະກິດ-ສັງຄົມ ນະຄອນຫຼວງວຽງຈັນ ແລະ ທ່ານນາງ ມາຍທິ ກິມທວາ ຮອງຫົວໜ້າບັນນາທິການໜັງສືພິມຮ່າໂນ້ຍເມີຍ ສສ ຫວຽດນາມ ຈັດຂຶ້ນໃນວັນທີ 12 ທັນວາ 2015 ທີ່ສຳນັກງານໜັງສຶພິມວຽງຈັນໃໝ່ ໂດຍມີທ່ານ ຖະໝອນສີ ພົມມະວົງ ຮອງຫົວໜ້າບັນນາທິການໃຫຍ່ໜັງສືພິມວຽງຈັນໃໝ່ ວຽງຈັນທຸລະກິດ-ສັງຄົມ ແລະ ພາກສ່ວນກ່ຽວຂ້ອງຂອງສອງໜັງສືພິມເຂົ້າຮ່ວມ.
ການລົງນາມໃນຄັ້ງນີ້ ເພື່ອສືບຕໍ່ການຮ່ວມມືລະຫວ່າງສອງໜັງສືພິມ ນັບແຕ່ປີ 2004 ເປັນຕົ້ນມາ ໃນການພັດທະນາທາງດ້ານວິຊາການ ໂດຍສະເພາະ ຈະສືບຕໍ່ການແລກປ່ຽນການຢ້ຽມຢາມຂອງຄະນະທັງສອງໜັງສືພິມ ສ້າງເງື່ອນໄຂໃຫ້ນັກຂ່າວ ທັງສອງຝ່າຍໄດ້ມີໂອກາດໃນການເຜີຍແຜ່ໂຄສະນາ ເຫດການເຄື່ອນໄຫວທີ່ສຳຄັນຕ່າງໆ ເປັນຕົ້ນ ເຫດການທາງດ້ານການເມືອງ ເສດຖະກິດ-ສັງຄົມຂອງສອງນະຄອນຫຼວງ ກໍ່ຄືສອງປະເທດ ສປປ ລາວ ສສ ຫວຽດນາມ ຢູ່ໃນໜ້າໜັງສືພິມພິເສດແມ່ນ ສ້າງໃຫ້ມີເງື່ອນໄຂໃນການພັດທະນາບຸກຄະລາກອນ ຕາມຄວາມເປັນຈິງ ເພື່ອເຮັດໃຫ້ສອງໜັງສືພິມຂອງນະຄອນຫຼວງ ມີບາດກ້າວອັນໃໝ່ໃນການກ້າວເຂົ້າສູ່ປະຊາຄົມເສດຖະກິດອາຊຽນ.
ແຫລ່ງຂ່າວ:
