ສະຫະພັນບານເຕະເອີຣົບ ຫລືຢູຟ່າ ໄດ້ຈັດການຈັບສະຫຼາກແບ່ງກຸ່ມການແຂ່ງຂັນບານເຕະເອີໂຣ 2016 ຮອບສຸດທ້າຍ ທີ່ນະຄອນຫຼວງປາຣີ ປະເທດຝຣັ່ງ ຊຶ່ງການແຂ່ງຂັນຄັ້ງນີ້ຝຣັ່ງຈະເປັນເຈົ້າພາບ ແລະຈະແຂ່ງຂັນກັນໃນລະຫວ່າງວັນທີ 10 ມິຖຸນາ – 10 ກໍລະກົດ 2016 ທີ່ຈະມາເຖິງນີ້

ບານເຕະ “ເອີໂຣ 2016” ຮອບສຸດທ້າຍຄັ້ງນີ້ ມີ 24 ທີມເຂົ້າຮ່ວມເປັນເທື່ອທຳອິດໃນປະຫວັດສາດ ຂອງຮອບທຳອິດແບ່ງອອກເປັນ 6 ກຸ່ມ ໆ ລະ 4 ທີມ ແຂ່ງຂັນພົບກັນໝົດໃນແຕ່ລະກຸ່ມ ເອົາທີມໄດ້ຄະແນນອັນດັບ 1-2 ຂອງທຸກກຸ່ມ ເຂົ້າຮອບສອງຫຼືຮອບ 16 ທີມສຸດທ້າຍ ຮ່ວມກັບທີມຄະແນນອັນດັບ 3 ທີ່ດີທີ່ສຸດອີກ 4 ທີມ ຮອບສອງປະກົບຄູ່ແຂ່ງຂັນແບບເສຍແລ້ວຄັດອອກ ເອົາແຕ່ທີມທີ່ຊະນະເຂົ້າຮອບຕໍ່ໄປຈົນເຖິງຮອບຊິງຊະນະເລີດ

ສະຫລຸບຜົນການຈັບສະຫຼາກຮອບແບ່ງກຸ່ມ ການແຂ່ງຂັນບານເຕະເອີໂຣ 2016 ຮອບສຸດທ້າຍ ມີດັ່ງຕໍ່ໄປນີ້:

ກຸ່ມ A: ຝຣັ່ງ, ໂຣມານີ , ອານບານີ, ສະວິດເຊີແລນ

ກຸ່ມ B: ອັງກິດ, ລັດເຊຍ, ເວລ, ສະໂລວາກີ

ກຸ່ມ C: ເຢຍລະມັນ, ອູແກຣນ, ໂປໂລຍ, ໄອແລນເໜືອ

ກຸ່ມ D: ແອດສະປາຍ, ສາທາລະນະລັດເຊັກ, ຕວກກີ, ໂຄອາຊີ

ກຸ່ມ E: ເບລຢຽມ, ອິຕາລີ, ໄອລແລນດ໌, ສະວີເດນ

ກຸ່ມ F: ປອກຕຸຍການ, ໄອຊ໌ແລນດ໌, ໂອຕຣິດ, ຮົງກາລີ