ຂປລ. ຕາມຂ່າວສານ ຫວຽດນາມ, ເວທີປາໄສ ນັກທຸລະກິດໜຸ່ມ ອາຊຽນ +3 ພາຍໃຕ້ຫົວຂໍ້ວ່າ“ ນັກທຸລະກິດ ໜຸ່ມ ASEAN+3 ເພື່ອກ້າວ ໄປສູ່ ການພັດທະນາ ແບບຍືນຍົງ”ໄດ້ຈັດຂຶ້ນ ຢູ່ ນະຄອນໂຮ່ຈິມິງ (ຫວຽດນາມ) ນັບແຕ່ ວັນທີ 12-14 ທັນວາ ໂດຍມີ ຜູ້ແທນ ນັກທຸລະກິດ, ຊາວໜຸຸ່ມ ຈາກ ອາຊຽນ ແລະ ຄູ່ຮ່ວມມື ຂອງ ອາຊຽນ ຫລາຍກວ່າ 65 ຄົນ ເຂົ້າຮ່ວມ ອື່ນໆ ເຂົ້າຮ່ວມ, ເຊິ່ງແມ່ນ ຄະນະ ກຳມະການ ຊາວໜຸ່ມ ຫວຽດນາມ, ຮ່ວມກັບ ພາກສ່ວນຕ່າງໆ ຂອງ ຫວຽດນາມ ຈັດຂຶ້ນ ແນໃສ່ ສ້າງໂອກາດ ໃຫ້ ບັນດາ ນັກທຸລະກິດໜຸ່ມ ແລກປ່ຽນ ຂ່າວສານ, ບົດຮຽນ, ສະເໜີ ແນວຄິດ ລິເລີ່ມ ກ່ຽວກັບ ການພັດ ທະນາ ວິສາຫະກິດ ແບບຍືນຍົງ, ກຳນົດ ເປົ້າໝາຍ ແລະ ອື່ນໆ ເພື່ອມຸ່ງໄປສູ່ ການພັດທະນາ ແບບຍືນຍົງ ໃນພາກພື້ນ ແລະ ທົ່ວໂລກ.
ເວທີປາໄສ ຄັ້ງນີ້ ຍັງເນັ້ນ ໜັກເຖິງ ຄວາມສຳຄັນ ກ່ຽວກັບ ການພັດທະນາ ພື້ນຖານ ເສດຖະກິດ ໃນພາກພື້ນ ແບບຍືນຍົງ, ບົດບາດ ຂອງ ນັກ ທຸລະກິດໜຸ່ມ ໃນການເຄື່ອນໄຫວ ປະຕິບັດ ບັນດາ ເປົ້າໝາຍ ການສ້າງຕັ້ງ ປະຊາຄົມ ເສດຖະກິດ ອາຊຽນ ຢ່າງຕັ້ງໜ້າ ເວົ້າສະເພາະ ແລະ ການປະ ກອບ ສ່ວນ ເຂົ້າໃນ ການສ້າງ ປະຊາຄົມ ອາຊຽນ ໃຫ້ຈະເລີນ ເຕີບໃຫຍ່ຂຶ້ນ ແບບຍືນຍົງ ເວົ້າລວມ. ນອກຈາກນັ້ນ, ເວທີປາໄສຄັ້ງນີ້, ຄະນະກຳມະການ ກ່ຽວກັບ ຊາວໜຸ່ມ ຫວຽດນາມ ແລະ ພາກສ່ວນອື່ນໆ ຍັງຈັດພິທີ ມອບໃບ ຍ້ອງຍໍ ໃຫ້ນັກ ທຸລະກິດ ໜຸ່ມອາຊຽນ+3 ຈຳນວນ 13 ຄົນ ຈາກ13 ປະເທດ ເຂົ້າຮ່ວມ ເພື່ອມຸ່ງໄປສູ່ ການພັດ ທະນາ ແບບຍືນຍົງ./.
ແຫ່ລງຂ່າວ
