Homeຂ່າວພາຍ​ໃນສຸວັນ​ນີ ​​ໂຮມ​ເຊັນ​ເຕີ ມະຫາຊົນ ເປີດຂາຍຮຸ້ນຢູ່ ຕະຫລາດຫລັກຊັບລາວ ຢ່າງ​ເປັນ​ທາງ​ການ!

ສຸວັນ​ນີ ​​ໂຮມ​ເຊັນ​ເຕີ ມະຫາຊົນ ເປີດຂາຍຮຸ້ນຢູ່ ຕະຫລາດຫລັກຊັບລາວ ຢ່າງ​ເປັນ​ທາງ​ການ!

Published on

suvanny

ພິທີ​ເປີດ​ຊື້-ຂາຍ​ຮຸ້ນຂອງ ບໍລິ​ສັດ ສຸວັນ​ນີ ​ໂຮມ​ເຊັນ​ເຕີ ມະຫາຊົນ ​ໄດ້​ມີຂຶ້ນ​ຢ່າງ​ເປັນ​ທາງ​ການ​ໃນວັນ​ທີ 11 ທັນວາ​ນີ້, ທີ່​ຕະຫລາດ​ຫລັກ​ຊັບ​ລາວ ນະຄອນຫລວງ​ວຽງຈັນ, ​ໂດຍ​ມີ​ທ່ານ ວັດ​ດາ​ນາ ສຸຄະ​ບັນດິດ ຮອງ​ປະທານ​ສະພາ​ບໍລິຫານ ​ແລະ​ ຜູ້ອຳນວຍການ​ໃຫຍ່​ບໍລິສັດ ສຸວັນ​ນີ ​ໂຮມ​ເຊັນ​ເຕີມະຫາຊົນ, ທ່ານ ສົມພົບ ສັກ​ພັນ​ພະນົມ ຜູ້ອຳນວຍ ການ​ບໍລິສັດ ຫລັກ​ຊັບ​ເອພີ​ເອັມລາວ ຈຳກັດ ເຂົ້າ​ຮ່ວມນຳ​ດ້ວຍ.

ທ່ານຮອງ​ປະທານ​ສະພາບໍລິຫານ ແລະ ຜູ້ອຳນວຍການ ໃຫຍ່ບໍລິສັດສຸວັນນີ ກ່າວວ່າ: ການ​ເປີດ​ໃຫ້ຊື້-ຂາຍຮຸ້ນ​ຂອງ​ບໍລິສັດ ສຸວັນ​ນີ ໃນຕະຫລາດ ຫລັກຊັບລາວມື້ນີ້ ຈະໄດ້ຮັບການຕອບຮັບທີ່ດີຈາກນັກລົງທຶນທັງ​ພາຍ​ໃນ ​ແລະ ຕ່າງປະ​ເທດ, ປັດຈຸບັນບໍລິສັດມີສາຂາທັງ​ໝົດ 4 ແຫ່ງຄື: ສາຂາໂພນຕ້ອງ, ທົ່ງຂັນຄຳ,ທົ່ງຕູມ ເມືອງຈັນທະບູລີ ແລະ ສາຂາສີໄຄ ເມືອງສີໂຄດຕະບອງ ​ແລະ ຈະ​ມີ​ການ​ຂະຫຍາຍ​ສາ ຂາ​ເພີ່ມ​ອີກຄື: ສາຂາບ້ານໂຊກໃຫຍ່ ເມືອງໄຊທານີ ນະຄອນຫລວງວຽງຈັນ; ສາຂາບ້ານ ນໍ້າງຽບ ເມືອງປາກຊັນ ແຂວງບໍລິຄໍາໄຊ ແລະ ສາຂາບ້ານກາງ ເມືອງປາກເຊ ແຂວງຈໍາປາສັກ ແລະ ເຊື່ອວ່າເມື່ອເຂົ້າຈົດທະບຽນ ໃນຕະຫລາດຫລັກຊັບລາວຈະເຮັດໃຫ້ບໍລິສັດມີຊື່ສຽງຫລາຍຂຶ້ນ, ເປັນທີ່ຍອມຮັບໃນລະດັບມາດຕະຖານສາກົນ ແລະ ເຮັດໃຫ້ມີຖານແຫລ່ງທຶນທີ່ແຂງແກ່ນ, ເພີ່ມກຸ່ມລູກຄ້າ, ເພີ່ມຊ່ອງທາງການຈຳໜ່າຍສິນຄ້າໄດ້ຫລາຍຂຶ້ນ ແລະ ໝັ້ນໃຈວ່າຈະສ້າງຜົນຕອບແທນກັບຄືນສູ່ຜູ້ຖືຮຸ້ນ ແລະ ນັກລົງທຶນໄດ້ເປັນທີ່ໜ້າເພິ່ງພໍໃຈ.

ທ່ານ ສົມພົບ ສັກ​ພັນ​ພະນົມ ຜູ້ອຳນວຍການ​ບໍລິສັດ ຫລັກ​ຊັບ​ເອພີ​ເອັມລາວ ຈຳກັດ ກ່າວ​ວ່າ: ​ໃນ​ຖານະ​ເປັນ​ທີ່​ປຶກສາ​ທາງການ​ເງິນຂອງ​ບໍລິສັດ ສຸວັນ​ນີ ​​ເຊື່ອ​ວ່າ​ຮຸ້ນ​ຂອງ​ບໍລິສັດ ສຸວັນ​ນີ ​ໂຮມ​ເຊັນ​ເຕີ ມະຫາຊົນ ຈະ​ເປັນ​ທາງ​ເລືອກ​ທີ​ດີ ​ແລະ ສາມາດ​ສ້າງ​ຜົນ​ຕອບ​ແທນ​ທີ່​ດີ​ໃຫ້​ກັບ​ນັກ​ລົງທຶນ​ທັງພາຍ​ໃນ ​ແລະ ຕ່າງປະ​ເທດ ທີ່​ສົນ​ໃຈ​ເຂົ້າ​ມາ​ລົງທຶນ​, ໃນ​​ໄລ​ຍະ​ທີ່​ເປີດ​​ໃຫ້​ຈອງ​ຊື້​ຮຸ້ນ IPO ຂອງ ສຸວັນ​ນີ ​ເຫັນ​ວ່າ​ປະສົບ​ຜົນສຳ​ເລັດ​ເປັນ​ຢ່າງ​ດີ, ​ໂດຍ​ມີ​ຜູ້​ເຂົ້າ​ຈອງ​ເປັນ​ຈຳ​ນວນ​ຫລາຍ ​ເມື່ອ​ບວກ​ກັບ​ບໍລິສັດ​ດັ່ງກ່າວ ​ໄດ້ດຳ​ເນີນ​ທຸລະ​ກິດ​ກໍ່ສ້າງມາ​ຫລາຍ​ກວ່າ 20 ປີ, ຈຶ່ງ​ເຮັດ​ໃຫ້​ນັກ​ລົງທຶນ​ເຊື່ອ​ໝັ້ນ ​ແລະ ຕ້ອງການ​ທີ່​ຈະ​ລົງທຶນ​ຮ່ວມ​ກັບ​ບໍລິສັດ​ ​ແລະ ​ເຊື່ອ​ແນ່​ວ່າ ​ໃນ​ອະນາຄົດ​ຮຸ້ນ​ຂອງ​ບໍລິສັດ ສຸວັນ​ນີ ຈະ​ເປັນ​ຂວັນ​ໃຈ​ຂອງ​ນັກ​ລົງທຶນ​​ຢ່າງ​ແນ່​ນອນ.

ບໍລິສັດ ສຸວັນ​ນີ ​ໂຮມ​ເຊັນ​ເຕີ ກ່ອນ​ການ​ຈົດ​ທະບຽນ​ໃນ​ຕະຫລາດ​ຫລັກ​ຊັບ​ລາວ ມີ​​ເງິນ​ລົງທຶນ​ທັງ​ໝົດ 280 ຕື້​ກີບ ມູນ​ຄ່າ​ທີ່​ກຳນົດຮຸ້ນ​ລະ 2.000 ກີບ ​ແລະ ພາ​ຍຫລັງ​ການ​ເຂົ້າ​ຈົດ​ທະບຽນ ບໍລິສັດ​ດັ່ງກ່າວ ຈະ​ມີ​ທຶນ​ຈົດ​ທະບຽນ​ເປັນ 330 ຕື້​ກີບ. ນອກຈາກ​ນີ້ ​ໃນ​ປີ 2012 ມີ​ລາຍ​ຮັບ​ລວມ 230 ຕື້​ກວ່າ​ກີບ ມີ​ກຳ​ໄລ​ສຸດທິ 10 ຕື້​ກວ່າ​ກີບ, ປີ 2013 ມີ​ລາຍ​ຮັບ​ລວມ 264 ຕື້​ກວ່າ​ກີບ ມີ​ກຳ​ໄລ​ສຸດທິ 14 ຕື້​ກວ່າ​ກີບ, ປີ 2014 ບໍລິສັດ ສຸວັນ​ນີ້ ມີ​ລາຍ​ຮັບ​ລວມ 311 ຕື້​ກວ່າກີບ ມີ​ກຳ​ໄລ​ສຸດທິ 21 ຕື້ກວ່າ​ກີບ ​ແລະ 6 ​ເດືອນ​ຕົ້ນ​ຂອງປີ 2015 ມີ​ລາຍ​ຮັບ​ທັງ​ໝົດ 167 ຕື້​ກວ່າ​ກີບ ມີ​ກຳ​ໄລ​ສຸດທິ 12 ຕື້​ກວ່າ​ກີບ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...