ຂປລ. ຕາມຂ່າວສານ ຫວຽດນາມ, ວັນທີ 10 ທັນວາ 2015, ກອງປະຊຸມ ນັກທຸລະກິດຍິງ ອາຊຽນ ພາຍໃຕ້ ຫົວຂໍ້ວ່າ: “ນັກທຸລະກິດ ຍິງອາຊຽນ ແລະ ພື້ນຖານ ເສດຖະກິດ ເກີດໃໝ່ ໃນພາກພື້ນ: ກຽມພ້ອມ ດຳເນີນງານ” ຈັດຂຶ້ນ ໃນວັນທີ 10-11 ທັນວາ ຢູ່ນະຄອນຫລວງ ຮ່າໂນ້ຍ ປະເທດ ຫວຽດນາມ ໂດຍມີ ບັນດາ ຜູ້ແທນ ວິສາຫະກິດ 200 ຄົນ ມາຈາກ ອາຊຽນ ເຂົ້າຮ່ວມ, ເຊິ່ງແມ່ນ ສະພາ ນັກທຸລະກິດຍິງ ຫວຽດນາມ ຮ່ວມກັບ ໂຄງການ ເຊື່ອມຈອດ ອາຊຽນ ຈັດຂຶ້ນ.
ຈຸດປະສົງ ຕົ້ນຕໍ ຂອງກອງປະຊຸມນີ້ ເພື່ອໃຫ້ ບັນດາ ນັກທຸລະກິດຍິງ ໄດ້ຮັບຂໍ້ມູນ ຂ່າວສານຕ່າງໆ ເມື່ອ ປະຊາຄົມ ເສດຖະກິດ ອາຊຽນ (AEC) ເລີ່ມເຂົ້າສູ່ ການເຄື່ອນໄຫວ ປະຕິບັດ ຕໍ່ ບັນດາ ວິສາຫະກິດ ໂດຍສະເພາະ ນັກທຸລະກິດຍິງ, ພ້ອມກັນນັ້ນ ຈະຊ່ວຍ ບັນດາ ນັກທຸລະກິດ ສາມາດ ກຳນົດ ເປົ້າໝາຍ, ຍຸດທະສາດ ການພັດທະນາ ວິສາຫະກິດ, ພ້ອມກັນນັ້ນ ຍັງສ້າງໂອກາດ ໃຫ້ບັນດາ ນັກທຸລະກິດ ອາຊຽນ ແລກປ່ຽນ ບົດຮຽນ ຈາກໂຄງການ ຕ່າງໆ, ການລິ່ເລີ່ມ ສະໜັບ ສະໜູນ ນັກທຸລະກິດຍິງ ໃນພາກລັດ-ເອກະຊົນ.
ແຫລ່ງຂ່າວ:
