ສຳນັກຂ່າວຕ່າງປະເທດ ລາຍງານໃນວັນທີ 11 ທັນວາຜ່ານມານີ້ວ່າ ກຸ່ມສິດທິແຮງງານຈາກສະວີເດັນ ໄດ້ອອກມາເຜີຍແຜ່ ຜົນສຳຫລວດກ່ຽວກັບ ແຮງງານຕ່າງດ້າວ ໃນຂະແໜງທຸລະກິດໂຮງແຮມ ແລະ ການທ່ອງທ່ຽວ ໃນປະເທດໄທ ເມື່ອວັນທີ 10 ທັນວາຜ່ານມານີ້ ໂດຍໄດ້ສຸ່ມເລືອກສຳພາດ ແຮງງານຊາວມຽນມາ 29 ຄົນ ໃນຈຳນວນ 7 ໂຮງແຮມຢູ່ແຂວງພັງງາ ແລະ ແຂວງພູເກັດ ພົບວ່າ ແຮງງານຕ່າງດ້າວທັງໝົດ ໄດ້ຮັບຄ່າຈ້າງ ໜ້ອຍກ່ວາຄ່າແຮງຂັ້ນຕ່ຳ ທີ່ລັດຖະບານໄທປະກາດໃຊ້ ແຕ່ໄດ້ເຮັດວຽກເກີນເວລາ ແລະ ມີວັນພັກ ໜ້ອຍກ່ວາພະນັກງານຄົນໄທ.
ທັງນີ້ ກຸ່ມດັ່ງກ່າວ ຍັງໄດ້ຖະແຫລງເຕືອນວ່າ ການກົດຂີ່ແຮງງານ ເປັນການລະເມີດຂໍ້ຕົກລົງລະຫວ່າງຄູ່ຄ້າ ຊຶ່ງອາດຈະນຳໄປສູ່ ການຍົກເລີກສັນຍາການຄ້າ ລະຫວ່າງໄທ ແລະ ສະວີເດັນໄດ້.