ສຳນັກຂ່າວຕ່າງປະເທດ ລາຍງານໃນວັນທີ 10 ທັນວາຜ່ານມານີ້ວ່າ ທ່ານ ຮຸນແຊນ ນາຍົກລັດຖະມົນຕີກຳປູເຈຍ ໄດ້ອອກກ່າວວ່າ ປະເທດບໍ່ປະສົບຜົນສຳເລັດ ທີ່ຈະບັນລຸເປົ້າໝາຍ ການສົ່ງອອກເຂົ້າ ໃຫ້ໄດ້ 1 ລ້ານໂຕນ ພາຍໃນປີ 2015 ນີ້ ຊຶ່ງເປົ້າໝາຍດັ່ງກ່າວ ໄດ້ຖືກວາງໄວ້ເມືີ່ອປີ 2010 ຜ່ານມາ ຍ້ອນຂາດແຄນ ໂຮງສີເຂົ້າ ສາງເກັບມ້ຽນເຂົ້າ ແລະ ເງິນລົງທຶນ.
ທ່ານ ຮຸນແຊນ ກ່າວວ່າ ” ຮອດປັດຈຸບັນນີ້ ເຮົາສົ່ງອອກເຂົ້າໄດ້ພຽງແຕ່ 500,000 ໂຕນ ຫລື ປະມານ 50% ຂອງເປົ້າໝາຍ ເຮັດໃຫ້ພວກເຮົາລົ້ມເຫລວ ທີ່ຈະບັນລຸເປົ້າໝາຍສົ່ງອອກເຂົ້າ ໃຫ້ໄດ້ 1 ລ້ານໂຕນໃນປີ 2015 “