ຕາມຂ່າວ ຕ່າງປະເທດ, ວັນທີ 11 ທັນວາ 2015, ທ່ານ ຊີນໂຈ ອາເບາະ ນາຍົກ ລັດຖະມົນຕີ ຍີ່ປຸ່ນ ໄດ້ກ່າວ ໃນໄລຍະ ຢ້ຽມຢາມ ອິນເດຍ, ຍີ່ປຸ່ນ ໄດ້ສ້້າງຕັ້ງ ກອງທຶນ 1.500 ຕື້ເຢນ(12,3 ຕື້ໂດລາ ສະຫະລັດ) ແນໃສ່ ສະໜັບ ສະໜູນ ບັນດາ ວິສາຫະກິດ ຍີ່ປຸ່ນ ທ່ີເຂົ້າໄປ ລົງທຶນ ບັນດາ ໂຄງການ ຂະໜາດໃຫຍ່ ຢູ່ອິນເດຍ. ໃນນັ້ນ ທະນາຄານ ຮ່ວມມື ຍີ່ປຸ່ນ-ສາກົນ(JBIC) ແລະ ອົງການ ປະກັນໄພ ການສົ່ງອອກ ແລະ ການລົງທຶນ ຍີ່ປຸ່ນ(NEXI) ຖືເປັນ ສອງອົງການ ຕົ້ນຕໍ ທ່ີສະໜັບ ສະໜູນ ແຫລ່ງທຶນ ແລະ ປະກັນໄພ ຄວາມສ່ຽງ ໃຫ້ ບັນດາ ວິສາຫະກິດ ຍີ່ປຸ່ນ ທ່ີເຂົ້າໄປລົງທຶນຢູ່ອິນເດຍ. ນອກນັ້ນ, ບັນດາ ວິສາຫະກິດ ສົ່ງອອກ ສິນຄ້າ ຂອງຍີ່ປຸ່ນ ໄປຍັງ ອິນເດຍ ໂດຍສະເພາະ ຂົງເຂດ ການຜະລິດ ຈະໄດ້ຮັບ ຜົນປະໂຍດ ຈາກ ອົງການ ປະກັນໄພ ໃນກໍລະນີ ເກີດ ຄວາມ ເສຍຫາຍ. /.
ແຫ່ລງຂ່າວ
