Homeອຸບັດເຫດແລະປາກົດການຫຍໍ້ທໍ້ສານປະຊາຊົນແຂວງຫົວພັນຕັດສິນປະຫານຊີວິດຜູ້ຄ້າຢາເສບຕິດ 3 ຄົນ

ສານປະຊາຊົນແຂວງຫົວພັນຕັດສິນປະຫານຊີວິດຜູ້ຄ້າຢາເສບຕິດ 3 ຄົນ

Published on

ເມື່ອບໍ່ດົນມານີ້, ສານ​ປະຊາຊົນ​​ແຂວງ​ຫົວພັນ,​ ໄດ້​ຕັດສິນ​ປະຫານ​ຊີວິດຜູ້ຄ້າຂາຍຢາເສບຕິດ 3 ຄົນຄື: ​ທ້າວ ລີ​ເພັງ​ມົວ ອາຍຸ 28 ປີ, ທ້າວ ສົງ​ວື ອາຍຸ 26ປີ​ ຢູ່​ບ້ານ​ນາ​ໄກ່ ​ແລະ ທ້າວ ​ເຢ່​ເຮີ ອາຍຸ 19 ປີຢູ່​ບ້ານ​ພູ​ວຽງ ເມືອງ​ວຽງ​ໄຊ ​ແຂວງ​ຫົວພັນ​ໃນ​ຂໍ້ຫາ​ຄ້າຂາຍຢາ​ເສບ​ຕິດ, ຊຶ່ງພວກກ່ຽວຖືກເຈົ້າໜ້າທີ່ ປກສເມືອງຊໍາໃຕ້ຈັບຕົວໄດ້ເມື່ອກາງເດືອນພຶດສະພາ 2014 ຜ່ານມາ, ໃນຂະນະເອົາຢາເສບຕິດໄປສົ່ງໃຫ້ລູກຄ້າຢູ່ເຮືອນພັກແຫ່ງໜຶ່ງໃນເຂດເມືອງດັ່ງກ່າວ, ພ້ອມຂອງກາງເຮໂຣອິນ 18 ແທ່ງ, ນໍ້າໜັກ 7 ກິ​ໂລ ແລະ ຢາບ້າຈໍານວນ 2 ພັນເມັດ,

ຈຶ່ງໄດ້ຍຶດໄວ້ເປັນຫລັກຖານເພື່ອດໍາເນີນຄະດີ ແລະ ສັ່ງ​ໃຫ້ສານຕັດສິນລົງໂທດດັ່ງກ່າວ, ສ່ວນ​ລົດ​ກະບະ​ວີ​ໂກ້, ​ໂທລະສັບມື​ຖື​ໜຶ່ງ​ໜ່ວຍ ​ແລະ ​ເງິ​ນ 200 ​ໂດ​ລາ​ສະຫະລັດ​ຂອງ​ພວກ​ກ່ຽວ​ທີ່​ນໍາ​​ໃຊ້​ເຂົ້າ​ໃນ​ການ​ເຄື່ອນ​ໄຫວ​ຄ້າຂາຍ​ຢາ​ເສບ​ຕິດແມ່ນ​ຮີບ​ເປັນ​ຂອງ​ລັດ.

ແຫ່ລງຂ່າວ

ລພນ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...