ຕາມຂ່າວ ຕ່າງປະເທດ, ວັນທີ 9 ທັນວາ 2015, ອົງການ ສະຫະ ປະຊາຊາດ(ສປຊ) ໃຫ້ຮູ້ວ່າ ສຳນັກງານ ຂ້າຫລວງໃຫຍ່ ຜູ້ລີ້ໄພ ແຫ່ງສປຊ, ອົງການ ອະນາໄມໂລກ ແລະ ສຳນັກງານ ປະສານງານ ດ້ານມະນຸດສະທຳ ຂອງ ສປຊ ໄດ້ຮ່ວມກັນ ປະກາດ ຈະລະດົມທຶນ 20 ຕື້ກວ່າໂດລາ ສະຫະລັດ ເພື່ອຊ່ວຍ 37 ປະເທດ ໃນປີໜ້າ. ແຕ່ເຖິງ ຢ່າງໃດ ກໍຕາມ ການລະດົມທຶນ ດັ່ງກ່າວ ຍັງບໍ່ທັນ ບັນລຸ ເປົ້າໝາຍ ທ່ີກຳນົດໄວ້. ບ້ວງເງິນ ບໍລິຈາກນີ້ ຈະນຳໃຊ້ເຂົ້າໃນ ດ້ານການແພດ, ອາຫານ, ສະຖານ ທ່ີພັກເຊົາ ແລະ ອື່ນໆ. ປັດຈຸບັນ, ປະຊາກອນໂລກ ປະມານ 60 ລ້ານຄົນ ໄດ້ອົບພະຍົບ ອອກຈາກ ປະເທດ ຕົນເອງ, ເຊິ່ງຖືເປັນ ຕົວເລກ ສູງສຸດ ນັບແຕ່ສິ້ນສຸດສົງຄາມໂລກ./.
ແຫ່ລງຂ່າວ
