ສຳນັກຂ່າວຕ່າງປະເທດ ລາຍງານໃນວັນທີ 8 ທັນວາຜ່ານມານີ້ວ່າ ຜົນງານການວິໄຈໃໝ່ ຊຶ່ງຖືກເຜີຍແຜ່ໃນວາລະສານ Nature Climate Change ແລະ ຖືກນຳສະເໜີລາຍງານ ຢູ່ກອງປະຊຸມສະຫະປະຊາຊາດ ວ່າດ້ວຍການປ່ຽນແປງສະພາບພູມອາກາດ ຢູ່ນະຄອນຫລວງປາຣີ ເມື່ອບໍ່ດົນມານີ້ວ່າ ລະດັບການປ່ອຍ ອາຍກອກບອນໄດອອອກໄຊດ໌ (CO2) ຈາກການໃຊ້ພະລັງງານອາຍແກັສ ແລະ ອຸດສາຫະກຳ ມີທ່າອ່ຽງຫລຸດລົງ 0.6% ພາຍໃນປີ 2015 ຊຶ່ງຖືເປັນຄັ້ງທຳອິດ ທີ່ເກີດກໍລະນີດັ່ງກ່າວນີ້ ໃນຂະນະທີ່ສະພາບເສດຖະກິດໂລກ ຍັງຄົງເຕີບໂຕຕໍ່ເນື່ອງ ຊຶ່ງເປັນຜົນມາຈາກ ການຫລຸດຜ່ອນການນຳໃຊ້ ພະລັງງານຖ່ານຫີນ ໃນປະເທດຈີນ ແລະ ມີການຫັນປ່ຽນ ມານ້ຳໃຊ້ພະລັງງານໝູນວຽນຫລາຍຂຶ້ນ.