spot_img
Homeຂ່າວຕ່າງປະເທດນາຍົກອີຣັກ ປະສານສຽງຣັດເຊຍ-ອີຣ່ານ ລະບຸນ້ຳມັນເຖື່ອນກຸ່ມໄອເອັສ ສ່ວນໃຫຍ່ຂົນເຂົ້າຕວກກີ!

ນາຍົກອີຣັກ ປະສານສຽງຣັດເຊຍ-ອີຣ່ານ ລະບຸນ້ຳມັນເຖື່ອນກຸ່ມໄອເອັສ ສ່ວນໃຫຍ່ຂົນເຂົ້າຕວກກີ!

Published on

ສຳນັກຂ່າວຕ່າງປະເທດ ລາຍງານໃນວັນທີ 7 ທັນວາຜ່ານມານີ້ວ່າ ນາຍົກລັດຖະມົນຕີ ໄຮເດີ ອັນ-ອາບາດີ ແຫ່ງປະເທດອີຣັກ ໄດ້ເປີດເຜີຍ ໃນລະຫວ່າງພົບປະ ກັບລັດຖະມົນຕີວ່າການ ກະຊວງການຕ່າງປະເທດ ແຫ່ງ ສະຫະພັນເຢຍລະມັນ ທີ່ເດີນທາງມາຢ້ຽມຢາມວ່າ ນ້ຳມັນທີ່ກຸ່ມລັດອິດສະລາມ ຫລື ໄອເອັສ ລັກລອບຂາຍເຖື່ອນນັ້ນ ສ່ວນໃຫຍ່ຖືກລຳລຽງຂົນສົ່ງ ຜ່ານປະເທດຕວກກີ ຊຶ່ງເປັນການສະໜັບສະໜູນ ສອດຄ່ອງກັບຫລາຍໆປະເທດ ທີ່ກ່າວຫາວ່າ ຕວກກີມີສ່ວນກ່ຽວພັນ ກັບຫົນທາງການຫາລາຍໄດ້ຂອງກຸ່ມດັ່ງກ່າວ.

ການອອກມາເປີດເຜີຍຄືດັ່ງກ່າວນີ້ ໄດ້ເປັນການຢັ້ງຢືນ ເຖິງສິ່ງທີ່ຣັດເຊຍ ແລະ ອີຣ່ານ ໄດ້ອອກມາເວົ້າກ່ອນໜ້ານີ້ວ່າ ປະທານາທິບໍດີ ເຣເຊບ ເຕຢິບ ເອີໂດກັນ ແຫ່ງຕວກກີ ແລະ ຄອບຄົວ ມີສ່ວນພົວພັນ ກັບການຄ້ານ້ຳມັນເຖື່ອນ ກັບກຸ່ມໄອເອັສ ຊຶ່ງທ່ານ ໂມເຊັນ ເຣໄຊອີ ເລຂາທິການສະພາທີ່ປຶກສາ ປະທານາທິບໍດີ ແຫ່ງ ປະເທດອີຣ່ານ ໄດ້ອອກມາຖະແຫລງຕື່ມອີກວ່າ ພວກທີ່ປຶກສາທາງທະຫານຊາວອີຣ່ານ ຊຶ່ງປະຈຳການພາກສະໜາມ ທັງໃນອີຣັກ ແລະ ຊີຣີ ຕ່າງກໍມີພາບຖ່າຍ ຊຶ່ງສະແດງໃຫ້ເຫັນ ຂະບວນລົດບັນທຸກນ້ຳມັນ ຂອງພວກໄອເອັສ ກຳລັງເດີນທາງເຂົ້າສູ່ຕວກກີ.

ແນວໃດກໍຕາມ, ດ້ານສະຫະລັດອາເມຣິກາ ໄດ້ມີທ່າທີແກ້ໜ້າຕາງຕວກກີ ໂດຍທ່ານ ອາມອສ ຮໍສະຕາຍ ຜູ້ແທນພິເສດ ແລະ ຜູ້ປະສານງານ ດ້ານກິດຈະການພະລັງງານ ລະຫວ່າງປະເທດ ຂອງກະຊວງການຕ່າງປະເທດ ສະຫະລັດອາເມຣິກາ ໄດ້ອອກມາຖະແຫລງໃນວັນສຸກທີ 4 ທັນວາຜ່ານມານີ້ວ່າ ນ້ຳມັນທີ່ລັກລອບຂົນສົ່ງ ຈາກປະເທດຊີຣີ ຊຶ່ງກຸ່ມໄອເອັສຍຶດຄອງຢູ່ ເຂົ້າໄປໃນຕວກກີນັ້ນ ບໍ່ມີຄວາມສຳຄັນຫຍັງເລີຍ ເມື່ອພິຈາລະນາ ຈາກມູມມອງປະລິມານ ບໍ່ວ່າຈະເປັນປະລິມານຂອງນ້ຳມັນ ແລະ ປະລິມານຂອງລາຍຮັບ ທີ່ກຸ່ມດັ່ງກ່າວໄດ້ຮັບ.

ຈາກທ່າທີດັ່ງກ່າວຂອງສະຫະລັດອາເມຣິກາ ໄດ້ເຮັດໃຫ້ກະຊວງປ້ອງກັນປະເທດຣັດເຊຍ ອອກມາຕອບໂຕ້ ໃນວັນທີ 5 ທັນວາຜ່ານມາວ່າ ” ເມື່ອພວກເຈົ້າໜ້າທີ່ ສະຫະລັດອາເມຣິກາ ເວົ້າວ່າ ພວກເຂົາເບິ່ງບໍ່ເຫັນວ່າ ນ້ຳມັນຂອງພວກກໍ່ການຮ້າຍ ກຳລັງຖືກລັກລອບເຂົ້າສູ່ຕວກກີໄດ້ແນວໃດນັ້ນ… ມັນກຳລັງສົ່ງກິ່ນເໝັນເນົ່າ ເຖິງຄວາມປາຖະໜາ ທີ່ຢາກຈະປົກປິດພຶດຕິກຳເຫລົ່ານີ້! “ ພ້ອມນັ້ນ, ຍັງລະບຸອີກວ່າ ໃຫ້ທາງການວໍຊິງຕັນ ເບິ່ງຄືນຮູບຖ່າຍວີດີໂອ ຈາກເຮືອບິນໂດຣນຂອງຕົນ ທີ່ຖ່າຍເອົາໄວ້ ເນື່ອງຈາກໄລຍະຫລັງໆມານີ້ ມີໂດຣນຂອງອາເມຣິກາ ບິນໃນບໍລິເວນຊາຍແດນຕວກກີ-ຊີຣີ ແລະ ເໜືອພື້ນທີ່ນ້ຳມັນເຫລົ່ານັ້ນ ເພີ່ມຂຶ້ນກ່ວາເກົ່າ ເຖິງ 3 ເທົ່າຕົວ.

ທັງນີ້ ມີການຄາດປະມານໄວ້ວ່າ ກຸ່ມລັດອິດສະລາມ ມີລາຍຮັບຈາກການຂາຍນ້ຳມັນເຖື່ອນ ປະມານ 1 – 1.5 ລ້ານໂດລາຕໍ່ມື້ ແຕ່ພາຍຫລັງການບຸກໂຈມຕີ ຂອງກອງທັບຣັດເຊຍ ໃສ່ບໍ່ນ້ຳມັນ, ສາງ ແລະ ຂະບວນລົດບັນທຸກຂອງພວກເຂົາ ຢູ່ປະເທດຊີຣີ ໃນໄລຍະຜ່ານມາ ອາດເຮັດໃຫ້ລາຍຮັບ ຂອງກຸ່ມດັ່ງກ່າວ ຫລຸດໜ້ອຍຖອຍລົງ.

558000013978001
ພາບສະແດງຂອງກະຊວງປ້ອງກັນປະເທດຣັດເຊຍ ເຖິງເສັ້ນທາງການຂົນສົ່ງ ນ້ຳມັນເຖື່ອນຂອງກຸ່ມໄອເອັສ ຈາກປະເທດຊີຣີ ເຂົ້າສູ່ຕວກກີ.

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...