ເມື່ອວັນທີ່ 3 ທັນວາ HSGT ບໍລິສັດລູກຂອງ Western Digital ໄດ້ເປີດຕົວ Ultrastar He10 ຮາດດິດກ໌ຂະໜາດ 3.5 ນິ້ວ ຄວາມຈຸ 10TB ຕົວທຳອິດຂອງໂລກທີ່ບັນຈຸແກັສຮີລ່ຽມເອົາໄວ້ພາຍໃນ ມາພ້ອມກັບຄວາມໄວຂອງຮອບໝຸນ 7200RPM ແລະອັດຕາ Buffer 256MB ມີຄວາມໄວໃນການອ່ານຂໍ້ມູນ 249MB/s ແລະມີຄວາມໄວໃນການຂຽນຂໍ້ມູນ 225MB/s ຊຶ່ງນອກຈາກຄວາມຈຸ 10TB ແລ້ວກໍຍັງມີລຸ້ນ 8TB ອີກດ້ວຍ ພ້ອມທັງຮອງຮັບ SATA-III ແລະ SAS ໂດຍການບັນຈຸແກັສຮີລ່ຽມເອົາໄວ້ພາຍໃນຕົວຮາດດິດກ໌ນັ້ນຈະຊ່ວຍຫລຸດການສັ່ນສະເທືອນ ແລະຊ່ວຍຫລຸດການໃຊ້ພະລັງງານ
ຢ່າງໃດກໍຕາມ Ultrastar He10 ບໍ່ແມ່ນຮາດດິດກ໌ 10TB ຕົວທຳອິດຂອງ HSGT ແຕ່ກ່ອນໜ້ານີ້ HSGT ໄດ້ເຄີຍເປີດຕົວ Ultrastar Archive Ha10 ຊຶ່ງມີຄວາມຈຸ 10TB ມາກ່ອນແລ້ວ ແຕ່ Ultrastar He10 ມີຄວາມໄວໃນການຂຽນຂໍ້ມູນຫລາຍກວ່າ ແລະມີອາຍຸການໃຊ້ງານດົນກວ່າເຖິງ 25% ໂດຍ Ultrastar He10 ຈະວາງຈຳໜ່າຍທີ່ລາຄາ $800 ພ້ອມຮັບປະກັນເປັນໄລຍະເວລາ 5 ປີ