ສຳນັກຂ່າວຕ່າງປະເທດ ລາຍງານໃນວັນທີ 3 ທັນວານີ້ວ່າ ທ່ານ ເຣເຊບ ເຕຢິບ ເອີໂດກັນ ປະທານາທິບໍດີຕວກກີ ໄດ້ອອກມາກ່າວວ່າ ຕວກກີຈະບໍ່ຕອບໂຕ້ ການຂວ້ຳບາດຂອງຣັດເຊຍ ຫລັງຈາກທີ່ທັງສອງປະເທດ ເກີດຄວາມຂັດແຍ່ງກັນ ໃນເຫດການເຮືອບິນສູ້ຮົບຕວກກີ ຍິງເຮືອບິນສູ້ຮົບ Su-24 ຂອງຣັດເຊຍຕົກ ຢູ່ບໍລິເວນຊາຍແດນປະເທດຊີຣີ ໂດຍທ່ານໄດ້ເວົ້າວ່າ ຕວກກີຈະບໍ່ຕອບໂຕ້ ພົນລະເມືອງຊາວຣັດເຊຍ ທີ່ອາໄສຢູ່ໃນປະເທດຕວກກີ ເພາະການຕອບໂຕ້ ຈະຕ້ອງດຳເນີນການ ພາຍໃຕ້ຂໍ້ຈຳກັດຂອງກົດໝາຍ ຊຶ່ງຍາມໃດຕວກກີ ກໍຖືຣັດເຊຍເປັນຄູ່ຮ່ວມມືຍຸດທະສາດຂອງຕົນ ພ້ອມທັງຄາດຫວັງວ່າ ຣັດເຊຍຈະປ່ຽນແປງທ່າທີຂອງຕົນ ຕໍ່ກັບມາດຕະການດັ່ງກ່າວ.