ເຮົາບໍ່ໄດ້ເຫັນແອລຈີເຮັດສະມາດໂຟນທີ່ເຮັດຈາກໂລຫະມາດົນແລ້ວ ແຕ່ຫລ້າສຸດເບິ່ງຄືວ່າທາງແອລຈີຈະຕັດສິນໃຈເຮັດ ແອນດຣອຍໂຟນທີ່ຕົວເຄື່ອງເປັນໂລຫະອອກມາຈົນໄດ້ໃນຊື່ LG Zero ໂດຍລຸ້ນນີ້ສະເປກຢູ່ໃນລະດັບປານກາງ (Midrange)
ໜ້າຕາຂອງ LG Zero ດີໄຊນ໌ຄືກັບໄດ້ແຮງບັນດານໃຈຫລາຍ Nokia N8 ໜຶ່ງໃນຕຳນານຂອງໂນເກຍທີ່ຂຶ້ນຊື່ເລື່ອງກ້ອງ ຕົວເຄື່ອງເຮັດຈາກອະລູມິນ່ຽມ, ໜ້າຈໍ IPS ມີຂະໜາດ 5 ນິ້ວ ຄວາມລະອຽດ 720p, ຊີພີຍູຄອດຄໍ ຄວາມໄວ 1.2GHz, ແຣມ 1.5GB, ຫນ່ວຍຄວາມຈຳພາຍໃນ 16GB ຂາຍເພີ່ມໄດ້ດ້ວຍການ MicroSD, ແບດເຕີຣີ່ຄວາມຈຸ 2050mAh, ຮອງຮັບ LTE / HSPA+ ບໍ່ມີການເວົ້າເຖິງ NFC ຈຶ່ງຄາດວ່າບໍ່ມີ ແລະເບິ່ງຈາກດີໄຊນ໌ແລ້ວໜ້າຈະຖອດຝາຫລັງເພື່ອປ່ຽນແບດເຕີຣີ່ບໍ່ໄດ້ ເລື່ອງເສົ້າ ຄື ເບິ່ງຄືວ່າມັນຈະໃຊ້ລະບົບປະຕິບັດການແອນດຣອຍແຕ່ເວີລ໌ຊັ່ນ 5.1 ເທົ່ານັ້ນ
ສຳລັບຈຸດເດັ່ນຂອງລຸ້ນ Zero ຫາກບໍ່ນັບເລື່ອງເຄື່ອງທີ່ເປັນໂລຫະ ທາງແອລຈີຈະເນັ້ນໄປທີ່ກ້ອງທີ່ໃຊ້ລຸ້ນດຽວກັບ G Series ທັງຄວາມລະອຽດ, ຄວາມໄວຊັດເຕີ ແລະຄວາມຄົມແຈ້ງ ທີ່ຂາດຫາຍໄປມີພຽງລະບົບ Laser auto-focus ເທົ່ານັ້ນ ຄວາມລະອຽດກ້ອງຫລັງ 13MP ສ່ວນກ້ອງໜ້າ 8MP ຄືເກົ່າ
ໃຜທີ່ສົນໃຈ LG Zero ຕ້ອງອົດໃຈລໍຖ້າໄປກ່ອນ ຕອນນີ້ຫາກໍ່ເຜີຍໂສມທີ່ເກົາຫລີໃຕ້ ແຕ່ໜ້າຈະວາງຈຳໜ່າຍທັງໃນເຮືອນເຮົາແລະໂຊນຍຸໂຣບ ສ່ວນລາຄາແລະມື້ວາງຈຳໜ່າຍທີ່ແນ່ນອນຍັງບໍ່ເປີດເຜີຍ
