ຂປລ. ຕາມ​ຂ່າວ​ ຕ່າງປະ​ເທດ, ວັນ​ທີ 1 ພະຈິກ 2015, ​ເຈົ້າໜ້າ​ທີ່ນະຄອນຫລວງ​ປັກ​ກິ່ງ​ຂອງຈີນ ​ໄດ້​ສັ່ງ​ປິດ​ໂຮງງານ 2.100 ​ແຫ່ງ ຍ້ອນບັນຫາ ​ໝອກ​ຄວັນ​ ຍັງ​ປົກ​ຄຸ້ມ, ຄ່າ​ຝຸ່ນ​ລະອອງ ​ຂະໜາດ ພີ​ເອັມ 2,5 ​ສາມາດ​ຝັງ​ເລິກ​ໃນ​ປອດ​ເຖິງ 598 ​​ ໄມ​ໂກຣກຣາມ / ແມັດ​ກ້ອນ ​ເພີ່ມ​ຂຶ້ນ​ເກືອບ 24 ​ເທົ່າ ຂອງ​ລະດັບ​ຄວາມ​ປອດ​ໄພ​ ທີ່​ອົງການ ​ອະນາ​ໄມ​ໂລກ​ ກຳນົດ​ໄວ້​ບໍ່​ເກີນ 25 ​ໄມ​ໂກຣກຣາມ/ແມັດ​ກ້ອນ. ສ່ວນ​ເມືອງ ຈີ່​ຫນານ ມົນທົນ​ຊານ​ຕົງ​ ມີຄ່າ​ ມົນ​ລະ​ພິດ ​ສູງ​ກວ່າ 400 ​ໄມ​ໂກຣກຣາມ / ແມັດ​ກ້ອນ. ນອກ​ນີ້ ຍັງປະກາດ​ເຕື່ອນ ​ໃຫ້​ປະຊາຊົນ​ ຢູ່​ແຕ່​​ໃນອາຄານ ຂະນະ​ທີ່​ ສາຍ​ການບິນ ​ຈາກ​ນະ​ຄອນ​ຫລວງ ປັກ​ກິ​ງ ​ແລະ ນະຄອນ​ຊຽງ​ໄຮ້​ ຍົກ​ເລີກ ​ຖ້ຽວ​ບິນ 30 ກວ່າຖ້ຽວ​.

ແຫລ່ງຂ່າວ: