ເວລາ 4 ໂມງເຊົ້າ ມື້ນີ້ ວັນທີ 27 ພະຈິກ 2015 ໄດ້ເກີດສຽງດັງຄ້າຍລະເບີດແຕກຢ່າງຮຸນແຮງ ຢູ່ເທິງທ້ອງຟ້າ ບໍລິເວນເມືອງ ບາຈຽງຈະເລີນສຸກ, ເມືອງຈຳປາສັກ, ແຂວງຈຳປາສັກ. ຫຼັງຈາກສຽງລະເບີດດັງຂຶ້ນ ກໍມີຊິ້ນສ່ວນທີ່ປະຊາຊົນບໍ່ຮູ້ ວ່າແມ່ນຊິ້ນສ່ວນຫຍັງຕົກລົງມາ ຈຳນວນຫຼາຍຊິ້ນ ໃນບັນດາບ້ານ ລົມສັກເໜືອ ເມືອງບາຈຽງຈະເລີນສຸກ, ບ້ານໜອງສາ ແລະບ້ານດອນຕະຫຼາດ ເມືອງຈຳປາສັກ ແຂວງຈຳປາສັກ.
ເບື້ອງຕົ້ນມີປະຊົນຈຳນວນຫຼາຍ ຢືນຢັນເຖິງເຫດການທີ່ເກີດຂຶ້ນຈິງ ແຕ່ແມ່ນເກີດຂຶ້ນເທິງທ້ອງຟ້າ ໂດຍບໍ່ມີປະຊາຊົນໄດ້ຮັບບາດເຈັບ ຫຼືເສຍຊີວິດແຕ່ຢ່າງໃດ. ແລະຫຼາຍຄົນຄາດວ່າຈະເປັນ ເສດວັດຖຸອະວະກາດ ຫຼືຂີ້ເຫຍື້ອອະວະກາດ.
ປະຊາຸຊົນຜູ້ໜຶ່ງບອກວ່າ ສຽງດັງທີ່ເກີດຂຶ້ນນັ້ນແມ່ນດັງແຮງຫຼາຍ ຈົນເຮັດໃຫ້ເຮືອນສັ່ນສະເທືອນ… ສ່ວນເລື່ອງລາວຄວາມຈິງນັ້ນ ຂະນະນີ້ກຳລັງຖືກກວດສອບຈາກ ພາກສ່ວນທີ່ກ່ຽວຂ້ອງຢູ່.
ພາບແລະຂ່າວ: Phoutty Phoutty, ໂທລະໂຄ່ງ ແລະຫຼາຍໆຄົນ