ຂປລ.ຕາມຂ່າວ ຕ່າງປະເທດ, ກອງປະຊຸມ ໄອຍະການ ບັນດາ ປະເທດ ອາຊຽນ-ຈີນ ຄັ້ງທີ 9 ຈັດຂຶ້ນ ວັນທີ 25 ພະຈິກນີ້ ຢູ່ນະຄອນ ໜານໜິງ ແຂວງ ກວາງສີ ຂອງຈີນ ເພື່ອພົບປະ ແລກປ່ຽນ ບົດຮຽນ ດ້ານໄອຍາການ ໂດຍສະເພາະ ການລົງເລິກ ບັນຫາ ກ່ຽວກັບ ຄະດີ ທີ່ມີ ການພົວພັນ ກັບສາກົນ ພ້ອມທັງ ຍົກສູງ ການຮ່ວມມື ໃນຂົງເຂດ ຕຸລາການ ໃຫ້ມີ ປະສິດທິຜົນ ສູງຍິ່ງຂຶ້ນ. ຈາກນັ້ນ ທ່ານ ຫງວຽນ ຮ່ວາບີງ, ຫົວໜ້າ ໄອຍະການ ປະຊາຊົນ ສູງສຸດ ຂອງຫວຽດນາມ ໄດ້ເນັ້ນວ່າ: ການປ້ອງກັນ ແລະ ຕໍ່ສູ້ ບັນດາ ອາດຊະຍາກຳ ຕ້ອງມີການຮ່ວມມື ສົມທົບກັນ ຢ່າງແໜ້ນແຟ້ນ ລະ ຫວ່າງ ອົງການ ປະຕິບັດ ກົດໝາຍ ຂອງບັນດາ ປະເທດ. ສະນັ້ນ ກອງປະຊຸມ ດັ່ງກ່າວ ໄດ້ກາຍເປັນ ເວທີປາໄສ ຮ່ວມມື ສາກົນ ທີ່ສຳຄັນ ກ່ຽວກັບ ກົດໝາຍ ໃຫ້ມີ ປະສິດທິຜົນ ສູງຍິ່ງຂຶ້ນ./.
