ສຳນັກຂ່າວຕ່າງປະເທດ ລາຍງານໃນວັນທີ 25ຼ ພະຈິກນີ້ວ່າ ເກີດເຫດກຸ່ມມືປືນ ບໍ່ຮູ້ຝ່າຍ ແລະ ບໍ່ຮູ້ຈຳນວນແນ່ນອນ ໄດ້ກໍ່ເຫດຈັບກຸມຕົວປະກັນ ທີ່ເມືອງຣູເບ (Roubaix) ທາງພາກເໜືອຂອງ ປະເທດຝຣັ່ງ ໃກ້ກັບຊາຍແດນປະເທດແບນຊິກ ແຕ່ທາງການຄາດວ່າ ໜ້າຈະບໍ່ກ່ຽວຂ້ອງ ກັບເຫດການໂຈມຕີປາຣີ ເມື່ອວັນທີ 13 ພະຈິກຜ່ານມາ.
ເຫດການດັ່ງກ່າວ ໄດ້ມີສຽງປືນດັງຂຶ້ນ ຕັ້ງແຕ່ເວລາ 19:00 ໂມງ ຊຶ່ງກົງກັບເວລາ 01:00 ໂມງກາງເດິກ ຂອງວັນທີ 25 ພະຈິກ ຕາມເວລາໃນປະເທດລາວ ໂດຍຜູ້ທີ່ຖືກຈັບກຸມເປັນຕົວປະກັນ ອາດເປັນຜູ້ອຳນວຍການທະນາຄານແຫ່ງໜຶ່ງ ແລະ ຄອບຄົວຂອງລາວ ແລະ ຕຳຫລວດຄາດວ່າ ອາດເປັນການປຸ້ນຊັບ ຊຶ່ງບໍ່ກ່ຽວຂ້ອງກັບການກໍ່ການຮ້າຍ ຊຶ່ງແຫລ່ງຂ່າວໄດ້ລາຍງານວ່າ ໄດ້ມີສຽງປືນແຕກຫລາຍນັດ ແລະ ມີຜູ້ບາດເຈັບອີກຫລາຍຄົນ ໃນຂະນະທີ່ຕຳຫລວດ ໄດ້ປິດກັ້ນພື້ນທີ່ອ້ອມຮອບໄວ້ໝົດແລ້ວ.
ໍ