ຂປລ. ຕາມຂ່າວຕ່າງປະເທດ, ທ່ານ ນາຈິບ ຣາຊັກ ນາຍົກ ລັດຖະມົນຕີ ມາເລເຊຍ ຄາດວ່າ ລວມຍອດ ຜະ ລິດຕະພັນ ພາຍໃນ(GDP) ຂອງອາຊຽນ ຈະບັນລຸ4.700 ຕື້ໂດລາ ສະຫະລັດ ໃນ2020 ເນື່ອງຈາກ ອາຊຽນ ມີຄວາມສາມາດ ບົ່ມຊ້ອນ ກາຍເປັນພື້ນຖານ ເສດຖະກິດ ພາຍຫລັງ ອາຊຽນ ໄດ້ລົງນາມ ຖະແຫລງການຮ່ວມ ກົວລາລຳເປິ ເມື່ອບໍ່ດົນມານີ້. ປະຊາຄົມອາຊຽນ ຈະສ້າງຕັ້ງຂຶ້ນ ໃນທ້າຍປີນີ້ ບົນພື້ນຖານ ການກໍ່ສ້າງ ສາມເສົາຄ້ຳຫລັກ ຄື: ການເມືອງ-ຄວາມປອດໄພ, ເສດຖະກິດ ແລະ ວັດທະນະທຳ-ສັງຄົມ.
ປັດຈຸບັນ, ອາຊຽນ ຕ້ອງຮັບປະກັນ ໃນການສ້າງ ຕະຫລາດ ແລະ ພື້ນຖານ ການຜະລິດຮ່ວມ ຢ່າງຕັ້ງໜ້າ ເພື່ອຂົນສົ່ງສິນຄ້າ ແລະ ການບໍລິການ ຢ່າງເສລີ ໂດຍເນັ້ນໃສ່ ຮັບປະກັນ ມາດຖານ ການຜະລິດລວມ ເພື່ອຊຸກຍູ້ໃຫ້ ເສດຖະກິດ ຈະເລີນເຕີບໃຫຍ່ ຂຶ້ນເລື້ອຍໆ ແລະ ລົບລ້າງ ຮົ້ວກັ້ນ ການຄ້າ.
ແຫລ່ງຂ່າວ:
