ມະນຸດທຸກຄົນຈະຕ້ອງຕາຍເມື່ອເຖິງວາລະໜຶ່ງ ແຕ່ຈະເກີດຫຍັງຂຶ້ນຫລັງຈາກນັ້ນເປັນເລື່ອງທີ່ໜ້າສົນໃຈ ຫາກເຈົ້າຢ້ານ ແຕ່ກໍຊ່ວຍບໍ່ໄດ້ ນີ້ຄືຂະບວນການທາງທຳມະຊາດທີ່ຈະຕ້ອງເປັນໄປ
ຫລັງຈາກທີ່ຫົວໃຈຂອງເຈົ້າຢຸດເຕັ້ນ ຮ່າງກາຍເຮົາຈະເລີ່ມຍ່ອຍສະຫລາຍຕົວເອງຢ່າງຊ້າໆ (ໂດຍບໍ່ມີຂັ້ນຕອນຂອງການເກັບປິ່ນປົວເຊັ່ນ ການດອງສົບຫລືການເຮັດມຳມີ່)
ມັນເລີ່ມຕົ້ນຈາກຈຸດນ້ອຍໆ ໃນລະດັບເຊລ໌ ຕໍ່ດ້ວຍແບກທີເຣຍ ສັດ ໄປຈົນເຖິງການຍ່ອຍອະໄວຍະວະແລະເນື້ອເຍື່ອຂອງຕົວເອງ ແລະນີ້ຄືຂະບວນການທັງໝົດຂອງການຍ່ອຍສະຫລາຍຫລັງຄວາມຕາຍ
1. ສະຫມອງຈະຢຸດການເຮັດວຽກງານ
2. ອຸນຫະພູມຮ່າງກາຍຈະຫລຸດລົງ 1.6 °F (ໂດຍສະເລ່ຍແລ້ວປະມານ 1 °C) ຕໍ່ຊົ່ວໂມງຈົນກວ່າຈະມີອຸນຫະພູມໃກ້ຄຽງກັບອຸນຫະພູມໂດຍຮອບ
3. ເຊລ໌ໃນຮ່າງກາຍຈະເລີ່ມຕາຍຈາກການຂາດອັອກຊິເຈນ ແລະເລີ່ມເສື່ອມສະພາບແລະສະຫລາຍຕົວ ເປັນຈຸດເລີ່ມຕົ້ນຂອງຂະບວນການເນົ່າເປື່ອຍ (process of putrefaction)
4. ແຄຊຽມໄອອອນຈະໄຫລໄປຢູ່ທີ່ເຊລ໌ກ້າມເນື້ອຫລາຍຂຶ້ນ ແຕ່ຮ່າງກາຍບໍ່ມີພະລັງງານ (ATP) ໃນການນຳແຄຊຽມໄອອອນຜ່ານແນວຫຸ້ມເຊລ໌ອອກໄປໄດ້ ຈຶ່ງເກີດການລວມຕົວຂອງເສັ້ນໃຍໂປຣຕີນກັບກ້າມເນື້ອ ເຮັດໃຫ້ເກີດສະພາບແຂງຕົວຫລືທີ່ເອີ້ນວ່າ Rigor mortis ຊຶ່ງໃຊ້ເວລາປະມານ 36 ຊົ່ວໂມງກ່ອນທີ່ສະພາບຮ່າງກາຍຈະກັບມາອ່ອນຕົວຄືເກົ່າ
5. ເມື່ອກ້າມເນື້ອຜ່ອນຕົວລົງແລ້ວ ຮ່າງກາຍຈະປ່ອຍຂອງເສຍພວກອຸດຈາລະແລະຍ່ຽວອອກມາ
6. ຜິວໜັງຂອງເຈົ້າຈະເລີ່ມຫົດຕົວ ນັ້ນເປັນສາເຫດທີ່ເຮັດໃຫ້ເຮົາຮູ້ສຶກວ່າຜົມແລະເລັບຍາວຂຶ້ນ
7. ຜິວຈະເບິ່ງຊີດແລະເປັນຜື່ນສີແດງ (reddish splotches) ຈາກການຕົກເລືອດຕາມແຮງໂນ້ມຖ່ວງ
8. ຂຽວຄ້ຳເນື່ອງຈາກເອນໄຊມ໌ໃນອະໄວຍະວະພາຍໃນເລີ່ມຍ່ອຍຕົວເອງ ແລະມັກມີແບກທີເລຍເຂົ້າມາຊ່ວຍໃນຂະບວນການ
9. ເລີ່ມໄດ້ກິ່ນບໍ່ພຶງປະສົງເນື່ອງຈາກຮ່າງກາຍເລີ່ມເນົ່າເປື່ອຍ ແລະປ່ອຍສານ putrescine/cadaverine
10. ແມງຈະເລີ່ມກິນເຈົ້າ-ຕົວອ່ອນແມງວັນ ຫລື Maggots ຈະຍ່ອຍ 60% ຂອງຮ່າງກາຍເຈົ້າພາຍໃນ 1 ອາທິດ
11. ຕົວເຈົ້າຈະມີສີມ່ວງແລະເລີ່ມດຳລົງຈາກການທີ່ເຊື້ອແບກທີເລຍເລີ່ມຍ່ອຍຮ່າງກາຍຂອງເຈົ້າ
12. ຜົມຂອງເຈົ້າຈະເລີ່ມຫລົ່ນ
13. ຫາກຮ່າງກາຍຂອງເຈົ້າຖືກຖິ້ມໄວ້ທີ່ 50 °F (10 °C) ຈະໃຊ້ເວລາປະມານ 4 ເດືອນໃນການຍ່ອຍສະຫລາຍຈົນເຫລືອແຕ່ໂຄງກະດູກ