spot_img
Homeຂ່າວພາຍ​ໃນສາລະວັນ ຄາດວ່າ 2 ເມືອງ ຈະໃຫ້ສຳເລັດການ ເກັບກ່ຽວເຂົ້າໃນເດືອນນີ້

ສາລະວັນ ຄາດວ່າ 2 ເມືອງ ຈະໃຫ້ສຳເລັດການ ເກັບກ່ຽວເຂົ້າໃນເດືອນນີ້

Published on

5-1

ຫວ່າງບໍ່ດົນມານີ້ ທ່ານ ໄຊຊະນະ ສີສະຫວັດ ກຳມະການພັກເມືອງ ຫົວໜ້າ ຫ້ອງການກະສິກຳ ແລະ ປ່າໄມ້ເມືອງລະຄອນເພັງ ແຂວງ ສາລະວັນ ໄດ້ລາຍງານຕໍ່ສື່ ມວນຊົນໃນທ້ອງຖິ່ນວ່າ: ການ ເກັບກ່ຽວເຂົ້ານາປີຂອງຊາວ ເມືອງລະຄອນເພັງປີນີ້ ແມ່ນ ສຳເລັດ 100% ສຳລັບເຂົ້າດໍ, ສ່ວນເຂົ້າກາງແມ່ນ 70%,
ເປັນແນວພັນເຂົ້າທ່າດອກຄຳ ແລະ ເຂົ້າໂພນງາມ 3, ໃນເນື້ອ ທີ່ທຳການຜະລິດທັງໝົດ 16 ພັນເຮັກຕາ, ໃນນັ້ນເນື້ອທີ່ຈຸດ ສຸມ 5 ພັນເຮັກຕາ, ແຕ່ປະຕິ ບັດ 5.200 ເຮັກຕາ, ສະເລ່ຍ ສະມັດຖະພາບແມ່ນ 5 ໂຕນ/ ເຮັກຕາ, ສ່ວນເນື້ອທີ່ທົ່ວໄປ ແມ່ນ 4,3-4,5 ໂຕນ/ເຮັກຕາ, ຄາດຄະເນການເກັບກ່ຽວຈະໃຫ້ສຳເລັດໃນ ເດືອນ ພະຈິກນີ້. ນອກນັ້ນທາງເມືອງຍັງໄດ້ກະ ກຽມເນື້ອທີ່ປູກພືດລະດູແລ້ງ ຕື່ມອີກ ຊຶ່ງມີເນື້ອທີ່ທັງໝົດ 884 ເຮັກຕາ, ພືດທີ່ປູກມີຄື: ຝ້າຍ, ສາລີ, ຖົ່ວດິນ, ໝາກ ແຕງ, ໝາກໂມ, ໝາກກ້ວຍ, ໝາກເຂືອ, ໝາກເຜັດ ແລະ ພືດຜັກອື່ນໆ ເພື່ອເປັນການ ແກ້ໄຂຊີວິດການເປັນຢູ່ຂອງບັນດາພໍ່ແມ່ປະຊາຊົນພາຍໃນ ເມືອງຂອງຕົນໃຫ້ດີຂຶ້ນ ກວ່າເກົ່າ.
ໃນໂອກາດດຽວກັນນີ້ ທ່ານ ສຸກສາຄອນ ລາດຊະພົນ ຫົວໜ້າຫ້ອງການກະສິກຳ- ປ່າໄມ້ເມືອງວາປີແຂວງສາລະ ວັນ ກໍແຈ້ງວ່າ: ສຳລັບຢູ່ເມືອງ ວາປີ ແມ່ນມີເນື້ອທີ່ທຳ ການຜະລິດທັງໝົດ 12.500 ເຮັກ ຕາ, ແຕ່ປະຕິບັດຕົວຈິງໄດ້ 12.344 ເຮັກຕາ, ໃນນັ້ນເຂດ ຈຸດສຸມມີ 5.200 ເຮັກຕາ, ປະ ຕິບັດຕົວຈິງໄດ້ 4 ພັນກວ່າ ເຮັກຕາ, ຄາດຄະເນຜົນຜະລິດ ປີນີ້ຈະໄດ້ 48 ພັນກວ່າໂຕນ,  ສະເລ່ຍສະມັດຖະພາບເຂດ ຈຸດສຸມ 5,8 ໂຕນ/ເຮັກຕາ, ສະ ເລ່ຍສະມັດຖະພາບເຂດທຳ ການຜະລິດທົ່ວໄປ 3,9 ໂຕນ/ ເຮັກຕາ, ສ່ວນການເກັບກ່ຽວ ແມ່ນສຳເລັດ 60%, ສ່ວນພືດ ລະດູແລ້ງແມ່ນມີເນື້ອທີ່ທັງ ໝົດ 3.450 ເຮັກຕາ, ໃນນັ້ນ ນາແຊງມີ 3.250 ເຮັກຕາ ແລະ ເນື້ອທີ່ປູກພືດ 200 ເຮັກ ຕາ ເປັນຕົ້ນກໍແມ່ນພືດຜັກ, ເມື່ອສົມທຽບກັບໄລຍະ 40 ປີ ຜ່ານມາ ເຫັນໄດ້ວ່າວຽກງານ ກະສິກຳຂອງພວກເຮົາແມ່ນ ໂຕນກັນຫຼາຍ ເພາະ ວ່າເນື້ອທີ່ ທຳການຜະລິດຂອງພວກເຮົາ ກໍໜ້ອຍ, ການເຮັດນາກໍແມ່ນ ໃຊ້ແຕ່ຄວາຍ, ແຕ່ປະຈຸບັນນີ້ ສ່ວນໃຫຍ່ແມ່ນນຳໃຊ້ເຄື່ອງ ກົນຈັກ, ຜົນການຜະລິດກໍສູງ ໃນໄລຍະກ່ອນຜົນຜະລິດໄດ້ ພຽງແຕ່ 1-2 ໂຕນ/ເຮັກຕາ, ການຜະລິດກໍມີແຕ່ລະດູດຽວ, ອາໄສແຕ່ທຳມະຊາດເປັນຫຼັກ, ແຕ່ປະຈຸບັນນີ້ມີຮອດ 2 ລະດູ ຄື: ລະດູຝົນ ແລະ ລະດູແລ້ງ, ສະເລ່ຍສະມັດຖະພາບກໍຕົກ ຢູ່ໃນ 3-4 ໂຕນຕໍ່ເຮັກຕາ, ຖ້າ ເປັນເນື້ອທີ່ຈຸດສຸມກໍຕົກຢູ່ໃນ 4-5 ໂຕນ/ເຮັກຕາ, ຊີວິດການ ເປັນຢູ່ຂອງປະຊາຊົນ ກໍເຫັນ ໄດ້ວ່ານັບມື້ນັບດີຂຶ້ນເລື້ອຍໆ.

ແຫ່ລງຂ່າວ

ປຊຊ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...